أردۇغان و چیچگینگ قوتلاغ یۆزلِنمهلری
تۆرکیأنینگ جمهورباشلیغی و مجلیس باشلیغی ۱۹-نجی مای میناسیبتلی قوتلاغ یۆزلِنمهسینی بردی
شو گۆن ۱۹-نجی مای، آتاتۆرکی حاطیرالاما، یاشلار و اسپورت بایرامی.
بایرام میناسیبتلی دؤولت یۇلباشچیلاری یۆزلِنمه چاپ اتدی.
پرزیدنت أردۇغان بایرامچیلیق یۆزلِنمهسینده ۲۰۲۳-نجی ییلا چنلی دؤوۆر اۆچین اؤنگده قۇیولان ماقصاتلارا اۆنس چکدی.
أردۇغان "قاراشسیزلیق ساواشینا حؤکۆم ادن روحونگ و آتا بابالاریمیزینگ سۇنگقی ۱۳ ییلدا دورموشا گچیریلن بیک اؤسۆشلرینگ قۇشاندی بیلن ۲۰۲۳-نجی ییلا چنلی دؤوۆر اۆچین قۇیولان ماقصاتلارا تاراپ باریان گۆنلریمیزده بیزینگ اۆچین مؤهۆم ایلهام چشمهسی بۇلماغا دۇوام ادیأر" دیدی.
تۆرکیأنینگ جمهورباشلیغی، ۱۹-نجی ماییینگ قاراشسیزلیق ساواشینینگ باشلانغیجینینگ تیمثالیدیغینی نیغتادی.
تۆرکیأنینگ بیک میللت مجلیسینینگ باشلیغی جمیل چیچک بۇلسا یۆزلِنمهسینده "قاراشسیزلیق و گلجک اوغرونداقی گؤرهشیمیزینگ میراثداری یاشلاریمیزدیر" دیدی.
چیچک "تاریح بۇیی یسیرلیگینگ نأمهدیگینی بیلمهیأن تۆرک میللتی اۆچین شو گۆن اینم مغنالی گۆنلردن بیری. ایچرکی و داشارقی دوشمانلارا قارشی آلیپ باریلان گؤرهش بیلن تۆرک میللتینه بیچیلمهک ایسلهنِن کِپِن ییرتیلیپ یۇق ادیلدی" دیدی.
جمیل چیچک یۆزلِنمهسینده "سامسوندان باشلادیلان قاراشسیزلیق و گلجک گؤرهشیمیزینگ حأضیرکی میراثداری یاشلاریمیزدیر. یاشلاریمیز آتا بابالاریندان آلان میراثینی، عاقیلینگ و عیلمینگ یۇلبِلِتلیگینده بویسانچ هم ده غایراتلیلیق بیلن گلجگه یتیررلر" دییپ تاماملادی.
دِگیشلی حابارلار
![پ. ک. ک نینگ اۆچ ترورچیسی تأثیرسیز یاغدایا گتیریلدی](http://cdn.trt.net.tr/images/medium/rectangle/0283/4eed/bbde/646b6ebc42899.jpg?time=1719017747)
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر