أردۇغان مرسی‌نینگ آسیلماغی قارارینی برک یازغاردی
احمد داووداۇغلی: محمد مرسی‌نینگ آسیلماغینا قارار برنلر مدرن فرعوندیرلار
تۆرکیأنینگ جمهورباشلیغی رجب طیب أردۇغان مصردا آغداریلان یۇلباشچی محمد مرسی‌نینگ حاقیندا بریلن اؤلۆم جزاسینی برک یازغاردی.
أردۇغان "دۆنیأنینگ بو قارارا دیمیق قالماغی اؤزۆنی اینگکأر اتمه‌گیدیر. مرسی‌نی آسیپ بیلمِزلر" دیدی.
کایسری شأهِرینده آچیلیش دابارالارینا قاتناشان أردۇغان اۇنی دینگله‌مأگه گلنلر اۆچین چیقیش اتدی.
دۆنیأنینگ مرسی‌نینگ یاغدایینا دیمیق قالماغینی برک تانقیت ادن تۆرکیأنینگ جمهورباشلیغی "بۆتین دۆنیأ سسله‌نیأرین. حالقارا قورامالارا یۆزله‌نیأرین. نأمه اۆچین سیسی‌نینگ یانیندا بۇلدونگیز؟ نأمه اۆچین چأکلِندیرمه اتمه‌دینگیز؟" دیدی.
مرسا بریلن جزانینگ قابول ادیلیپ بیلینمه‌جِکدیگینی یاتلادان أردۇغان "مرسا بریلن اعدام جزاسی دموکراسی بیلن میللی ایغتیارینگ اعدام جزاسیدیر" دییپ بِلله‌دی و گۆن‌باتار دۆنیأسی‌نینگ ایزی‌گیدرلی یاغدایدا دموکراسیدان سؤز ادیأندیگینی نیغتادی.
جمغیتچیلیکلر بیلن ده دوشوشان أردۇغان "بو قارار مرسی اۆچین دأل، ایسه‌م اومیتلارینی، ایسله‌گلرینی و قاراییشلارینی مشروع سیاساتا باغلان بۆتین مصرلیلار اۆچیندیر. بو قارار مصرداقی دموکراسی‌نینگ اعداما محکوم ادیلمه‌گی‌نینگ پِرمانیدیر. مصرداقی دموکراسی اومیتلارینا؛ عادالاتا، پاراحاتچیلیق و دورنوقلیلیغا اۇد آچیلاندیر" دیدی.
تۆرکیأنینگ باش‌وزیری احمد داووداۇغلی دا مرسا بریلن اعدام جزاسینا قارشیلیق گؤرکِزدی و مصرینگ ایلکینجی سایلانان جمهورباشلیغینا اؤلۆم جزاسینی برِنلرینگ مدرن فرعونلار بۇلاندیغینی نیغتادی.
دِگیشلی حابارلار
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتان‌یرلی یاغدایدا گؤره‌شمأگه دوُوام ادیأر
