تۆرک گأمیسینه هۆجۆم قورالدی

لیبی‌نینگ سوو گینگیشلیگینده تۆرک شرکتلریندن بیرینه دگیشلی "توتا- ۱" آدلی قوری یۆک گأمیسینه هم قوری یردن هم ده هۇوادان هۆجۆم قورالماغی نتیجه‌سینده تۆرک کاپیتانلاریندان بیری اؤلدی.
گأمی تبروک پۇرتونا (بندرینه) باریارقا تبروگینگ ۱۳ مایل قۇلاییندا حالقارا سوو گینگیشلیگینده قوری یردن هۆجۆمه سزه‌ور بۇلدی.
هۆجۆم سبأپلی قایرادان داشلاشماغا سینانشان گأمأ ایکی گِزِک هۇوا هۆجۆمی قورالدی.
هۆجۆملر سبأپلی اکیپاژدان یارالانانلارینگ بۇلاندیغی، گأمأ ضِلِل یِتِندیگی حابار بریلدی.
گأمیده ۸ سانیسی تۆرک ۶ سانیسی گۆرجی و ۱ سانیسی آذری بۇلماق بیلن جمی ۱۵ اِکیپاژ بار.
تۆرکیأنینگ داشاری ایشلر وزیرلیگی مسئله باراسیندا برن بیاناتیندا "حالقارا سوو گینگیشلیگینده حاربی بۇلمادیق گأمأ قورالان بِت‌نیتلی هۆجۆمی برک یازغاریاریس، هۆجۆمی قورانلاری نألِتله‌یأریس" دییلیأر.
بیاناتدا مسئله بیلن باغلانشیقلی جۇغاپکأرچیلرینگ جزالاندیریلماغی اۆچین ایشه گیریشلِه‌ندیگی هم نیغتالیار.