أردوُغانینگ "تأزه تۆرکیأ تاراپ" آتلی سایلاو مِیلناماسی
أردوُغان مِیلناماسیندا میللی ایغتیارا وِ حقوغینگ اۆستۆنلیگینه اۆنسی چکدی
تۆرکیأنینگ ۱۲-نجی پرزیدنتلیگینه دالاشگأر باش وزیر رجب طیب أردوُغان سایلاو مِیلناماسینی ایستامبولدا بیان اتدی.
"تأزه تۆرکیأ تاراپ" آتلی سایلاو مِیلناماسی دموکراتیک دۇلانشیق، آسودالیق جمغیتی وِ اؤنگباشسی یورت بؤلۆملریندن عیبارات.
باش وزیر أردوُغان تۆرکیأنینگ جمهورباشلیغی حؤکمۆنده سایلانان حالاتیندا، ترورینگ اۇرتادان آیریلماغی اۆچین آلنیپ باریلیان چؤزگۆت اتابی بیلن یاقیندان قیزیقلانجاقدیغینی وِ تأزه اساسی قانون مسئلهسینه اولی أهمیت برجکدیگینی بللِهدی.
باش وزیر أردوُغان سایلاو مِیلناماسینی صونغات اوسساتلارینینگ، یازیجیلارینگ، جمغیتچیلیک قورامالارینینگ وکیللر، حؤکۆمتینگ آغضالاری، مجلیس وکیللری، پارتیالار (حِزبلر) وِ کؤپچۆلیکلهیین حابار بریش سریشدهلرینینگ وکیللرینینگ قاتناشماغیندا گچیرلن ماصلاحاتدا بیان اتدی.
أردوُغان مِیلناماسیندا میللی ایغتیارا وِ حقوغینگ اۆستۆنلیگینه اۆنسی چکدی.
داشاری سیاساتدا پاراحاتچیلیغا قۇلداو بریأندیگینی آیدان باش وزیر أردوُغان سؤزلرینی تأزه تۆرکیأ اۆنسی چکمِک بیلن تاماملادی.
أردوُغان "۱۰-نجی آگوستدا حالفیمیز دینگه پرزیدنتینی سایلاماز، تأزه تۆرکیأنینگ فاپیلارینی آچار. تأزه تۆرکیه هر بیر آدامینگ تۆرکیهسی بولار. تأزه تۆرکیه هر بیر آدامینگ اؤزۆنی دنگ حقوقلی رایات حؤکمۆنده دوییان تۆرکیهسی بولار" دیدی.
دِگیشلی حابارلار
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر