الهام علی یف: پاراحاتچیلیق اۆچین ارمنیستان ینگ اساسی قانونی اۆیتگه‌مه‌لی
آذربایجان ینگ جمهورباشلیغی، ارمنیستان ینگ باشغا یورتلارینگ توُپراغینا گؤز دیکمه‌کدن ال چِکمه‌لیدیگینی آیتدی
آذربایجان ینگ جمهورباشلیغی الهام علی یف ارمنیستان ینگ شو واغتقی اساسی قانونی اۆیتگه مأن یاغداییندا بو اۆلکه بیلن پاراحاتچیلیق شرطناماسی نینگ باغلاشیلماغی نینگ مۆمکین بوُلماندیغینی آیتدی.
الهام علی یف تۆرک دؤولتلری پارلمان آرا ماصلاحاتی نینگ 13-نجی اوُتورشیغی اۆچین گلن مجلیس باشلیقلارینی قابول اتدی.
علی یف بو یرده برن بیاناتیندا ارمنیستان بیلن گچیریلیأن پاراحاتچیلیق اۆچین دوشوشیقلارا اۆنس چکدی و پاراحاتچیلیق شرطناماسینا قوُل چکیشیلمه گی اۆچین ارمنیستان ینگ آذربایجان و تۆرکیأ قارشی بوُلان اساسی قانونی نینگ اۆیتگه مه لیدیگینی بیلدیردی.
علی یف "ارمنیستان ینگ اساسی قانونیندا قاراشسیزلیق شرطناماسینا اۆنس چکیلیأر. شوُندا آذربایجان ینگ توُپراغینا گؤز دیکیلیأر. ینه اوُلارینگ ایدئولوژیسیندا تۆرکیأنینگ توُپراغینا دا گؤز دیکیلیأر.چاغالارینا تۆرکلری دوشمان حؤکمۆنده گؤرکِزیأرلر. ارمنیستان ینگ شو واغتقی اساسی قانونی اۆیتگه مه سه ارمنیستان بیلن آذربایجان ینگ آراسیندا پاراحاتچیلیق ایلالاشیغینا قوُل چکمه ک مۆمکین دألدیر" دیدی.
دِگیشلی حابارلار
تۆرک دؤولتلری نینگ باش قاضی‌لاری قیرغیزیستان دا اۆیشدی
شورادا حالقارا گۆنألر، ترورچیلیق و سایبر گۆنألره قارشی آلیپ باریلجاق استراتژیلر حاقیندا گنگه شیلدی
صادق احمد حوُرمات و سیلاغ بیلن یاتلاندی
تۆرکیأنینگ جمهورباشلیغی، صادق احمدینگ آلیپ باران ایشلرینه اۆنس چکدی
