رشید مردوف اؤزبگیستان ینگ یوُلباشچیسی بیلن دوشوشدی

تۆرکمنیستان ینگ داشاری ایشلر وزیری رشید مردوف "اوُرتا آسیا – آیلاق‌داقی عاراپ یورتلاری نینگ حیذماتداشلیق گنگه شی نینگ" داشاری ایشلر وزیرلری نینگ ایکینجی دوشوشیغینا قاتناشماق اۆچین اؤزبگیستانا ساپار قوردی.

تۆرکمن وزیر داشکنت ده اؤزبگیستان ینگ جمهورباشلیغی شوکت میرضیایف تاراپیندان قابول ادیلدی.

دوشوشیقدا تۆرکمن- اؤزبک آراسینداقی دوُستلوقلی قاتناشیقلارینگ اؤسدۆریلمه‌گی و قوُنگشوچیلیق و استراتژیک حیذماتداشلیغینگ حأضیرکی یاغدایلاری حاقیندا گِنگِه‌شیلدی.

بو دوشوشیقدا بؤلگه آرا قاتناشیقلار و مدنی- انسانی آلیش چالیشلار دا آرا آلینیپ ماصلاحاتلاشیلدی.

شو ییل اؤزبگیستان دا دا ماغتیم قولی پیراغی بیلن باغلانشیقلی بیرنأچه چأره و کنفرانس گچیرلر.

بیله کی تاراپدان تۆرکمنیستان بیلن اؤزبگیستان ینگ ایقدیصادی قاتناشیقلاری دا اؤسیأر.

ایکی یورت "شَوَت- داش‌اوُغوز" آراچأگینده سؤودا- تیجارت زوُلاغینی دؤره‌دیأر.