اۆچ تۆرکمن ایران‌ینگ پارلمانی نینگ وکیلی بوُلدی

ایران دا مجلیس سایلاوی گچیریلدی.

بو سایلاودا کۆممِت قاووز - داشلی بورون شهری نینگ نتیجه سی ایکینجی اِتاپ‌دا بِللی بوُلار.

کۆممِت و داشلی بورون ینگ یاشاییجیلاری ایکینجی یاریشدا قاراجا طیار بیلن عبدالحکیم آق ارکِک‌لی نینگ آراسیندان بیرینی سایلار.

گۆرگن و آق‌قالا شهرلری نینگ یاشاییجیلاری رمضانعلی سنگدوینی و عبدالغفور آمان‌زادانی پارلمانا ایبردی.

آق‌قالالی آمان‌زادا 51 مۆنگ 582 سِس آلدی و ایران اسلام جمهوریتی نینگ 12-نجی مجلیسی نینگ وکیلی حؤکمۆنده بهارستانا گیدر.

بندر تۆرکمن، کۆمۆش‌دپه، کۆرت‌کۆی و بندرگزینگ یاشاییجیلاری ینه بیر گِزه‌ک عبدالجلال ایری دیدی.

ایری 26 مۆنگ 826 سِس آلدی و ایکینجی گِزه‌ک وکیل حؤکمۆنده سایلاندی.

ایران ینگ مجلیسی نینگ 290 وکیلی بار.

خبرگان آدینداقی مجلیسینگ سایلاویندا دا ایلکینجی گِزه‌ک بیر تۆرکمن بو سایلاودا ینگیش قازاندی.

کمال آخون غارراوی گۆلیستان ولایاتیندا بیرینجی بوُلوپ مجلیس خبرگانا آدینی یازدیردی.