ایران: آذربایجان بیلن قاتناشیقلاریمیز دوُغری یوُلدا دوُوام ادیأر

ایران ینگ داشاری ایشلر وزیری حسین امیرعبداللهیان ایران ینگ آذربایجان بیلن قاتناشیقلاری نینگ "دوُغری یوُلدا" دوُوام ادیأندیگینی بیلدیردی.

ایران ینگ رسمی حابار سریشده سی ایرنانینگ برن حابارینا گؤرأ امیرعبداللهیان مسکودا گچیریلن ماصلاحاتدا جیحون بایراموف بیلن دوشوشدی.

دوشوشیقدا آذربایجان بیلن ایران ینگ قاتناشیقلاری نینگ دوُغری یوُلدا دوُوام ادیأندیگینی آیدان ایران ینگ داشاری ایشلر وزیری ایکی یوردونگ یوُلباشچیسی نینگ سوُنگقی دوشوشیغی بیلن یورتلاری نینگ آراقاتناشیغی نینگ أهلی تاراپلایین اؤسیأندیگینی بیلدیردی.

تهران بیلن باکونینگ آراسیندا کریدور قورماق، ایقدیصادی تایدان حیذماتداشلیق اتمه ک و یاریم قالان پروژه لری تاماملاماغینگ أهمیتینه اۆنس چکن امیرعبداللهیان، ایکی یوردونگ اؤزآرا قاتناشیقلارینا ایترگی اۆچین ایقدیصادی، مدنی، سیاسی، حوُوپسوزلیق و توریسم پوداقلارینی ایشجنگ یاغدایا گتیرمه‌ک اۆچین تاغاللا ادیأندیکلرینی آیتدی.