جودت ییلماز دمیرقازیق قبرس تۆرک جمهوریتینده

تۆرکیأنینگ جمهورباشلیغی نینگ اوُرونباساری جودت ییلماز دمیرقازیق قبرس تۆرک جمهوریتی نینگ تانالماغی و حالقارا جمغیتچیلیکده حاق ادن یرینه گلمه گی نینگ اینگ اولی آرزوولاریندان بیری بوُلاندیغینی آیتدی.

ییلماز دمیرقازیق قبرس تۆرک جمهوریتی نینگ قورولشیغی نینگ 40-نجی ییلی و 15-نجی نوُیابر جمهوریت بایرامی دابارالارینا قاتناشماق اۆچین لفکوشا شهرینه باردی.

جودت ییلماز دمیرقازیق قبرس تۆرک جمهوریتی نینگ جمهورباشلیغی ارسین تاتار بیلن دوشوشدی.

ییلماز اؤزآرا دوشوشیقدان سوُنگرا برن بیاناتیندا دمیرقازیق قبرس تۆرک جمهوریتی نینگ قورلوشیغی نینگ 40-نجی ییلینی و جمهوریت بایرامینی قوتلادی.

تۆرکیأنینگ جمهورباشلیغی نینگ اوُرونباساری، ارسین تاتارینگ اؤزباشداق، دنگ حالقارا یاغدایداقی ایکی دؤولتلی گؤزیتیمینی گۆیچلی یاغدایدا قوُلدایاندیقلارینی بیلدیردی.

ارسین تاتار دا دمیرقازیق قبرس تۆرک جمهوریتی نینگ یوُلونینگ ایندی ایکی دؤولتلی چؤزگۆت بوُلاندیغینی آیتدی و چؤزگۆت اۆچین دمیرقازیق قبرس تۆرک حالقی نینگ دنگ یاغدایدا اؤزباشداق و دنگ حالقارا حقوغا ایه یاغدایا گلمه لیدیگینی آیتدی.

تاتار "بیز تۆرکیه بیلن اوتغاشیقلی یاغدایدا یوُلومیزا دوُوام ادریس" دیدی.

دمیرقازیق قبرس تۆرک جمهوریتی نینگ مجلیسینه ده باریپ گؤرن جودت ییلماز شرف سالنیندا مجلیسینگ باشلیغی تؤره بیلن ده دوشوشدی.

ییلماز سوُنگرا بوُلسا دمیرقازیق قبرس تۆرک جمهوریتی نینگ باش وزیری اۆنال اۆست‌ال بیلن دوشوشدی.