أردوُغان: تۆرکمنیستان ینگ تۆرک دؤولتلری قوراماسینا دوُلی آغضا بوُلماغینی ایسله یأریس

تۆرکیأنینگ جمهورباشلیغی رجب طیب أردوُغان "تۆرک دؤولتلری قوراماسیندا سینچی آغضا بوُلان تۆرکمنیستان-ی ایندی ماشغالا گِنگِه‌شیمیزده دوُلی آغضا حؤکمۆنده گؤرمه‌ک ایسله یأریس" دیدی.

تۆرکیأنینگ جمهورباشلیغی أردوُغان، آنکارا رسمی ساپار قوران تۆرکمنیستان ینگ جمهورباشلیغی سردار بردی محمدوف بیلن اوُرتاق مطبوغات کنفرانسینی گچیردی.

بو ساپارینگ سردار بردی محمدووینگ دؤولت یوُلباشچیسی حؤکمۆنده تۆرکیأ قوریان بیرینجی ساپاری بوُلاندیغینا اۆنس چکن تۆرک یوُلباشچی "اوُرتاق تاریح، دیل، دین و مدنیته اساسلانیان قاتناشیقلاریمیز ایکی تاراپلی حوُرمات، حیذماتداشلیق و اوُرتاق بأحبیت اساسیندا گۆن سایین گۆیچلِه‌نیأر و گینگه‌لیأر" دیدی.

أردوُغان "تۆرکمنیستان انرژی سریشده لی تایدان بؤلگأمیز و دۆنیأنینگ اؤنگده بوُلان یورتلاری نینگ ساناویندا. شو واغتقی یاغدایلاردا تۆرکمنیستان ینگ طبیغی گازی نینگ تۆرکیأ و تۆرکیه اۆستی بیلن دۆنیأ بازالارینا یتیرمه ک آیراتین أهمیته ایه بوُلدی. بو مسئله اۆچین هم ایکی تاراپلی، هم ده آذربایجان بیلن اۆچ تاراپلی حیذماتداشلیق أهمیتلیدیر. حازار اۆستی بیلن گۆن دوُغار- گۆن باتار کریدوری نینگ اؤسدۆریلمه گی حاقیندا دا گِنگِه شدیک" دیدی.

أردوُغان تۆرک شرکتلری نینگ شو واغتا چنلی تۆرکمنیستان دا 50 میلیارد دلار پروژه آلاندیغینی آیتدی و تۆرکیأنینگ، تۆرکمنیستان ینگ قاراشسیزلیغینی تانایان بیرینجی اۆلکه بوُلاندیغینی یاتلاتدی.

تۆرکمنیستان ینگ جمهورباشلیغی سردار بردی محمدوف دا تۆرکمنیستان ینگ طبیغی گازینی حازارینگ اۆستی بیلن تۆرکیأ یتیریلمه گی حاقیندا گِنگِه‌شندیکلرینی آیتدی.

تۆرکیه جمهوریتی نینگ 100-نجی ییلینی دا قوتلایان بردی محمدوف، ایکی یوردونگ قاتناشیقلاری نینگ یوُقارلاماغا دوُوام اتجکدیگینی ده سؤزلرینه قوُشدی.