بردی محمدوف: تۆرکمنیستان بیلن تۆرکیه بیر میللت، ایکی دؤولت

تۆرکمنیستان ینگ حالق ماصلاحاتی نینگ باشلیغی و اوُزالقی جمهورباشلیغی قوربان قولی بردی محمدوف تۆرکیأنینگ جمهورباشلیغی رجب طیب أردوُغان و عایالی امینه أردوُغانا حاط اوغراتدی.

تۆرکمنیستان قازتینده چاپ ادیلن حاطدا تۆرکمن- تۆرک دوُغانلیغینا اۆنس چکن بردی محمدوف "ایلکی بیلن تۆرکمنیستانا و تۆرکمن حالقینا تۆیس یۆره‌کدن یوُقاری درجه ده قوُییان حوُرماتینگیز، تۆرکمنیستان و تۆرکیه جمهوریتی نینگ آراسینداقی دوُست- دوُغانلیغی، هممه تاراپلایین حیذماتداشلیغی موندان بیلأک ده برکیتمِه‌ک ایشینه قوُشیان أگیرت اولی قوُشاندینگیز اۆچین مینتدارلیق بیلدیریأریس" دییپ یازدی.

بردی محمدوف تۆرک حالقلاری نینگ اؤسۆشی نینگ حأضیرکی زامان دۆنیأسی نینگ أهمیتلی مسئله لرینی چؤزمِکده تاغاللالاری بیرلشدیرمأگه، أهلی عمومی پاراحاتچیلیغی، حوُوپسوزلیغی، دورنوقلیلیغی برکیتمأگه قوُشانت قوُشیاندیغینی سؤزلرینه قوُشدی.

تۆرکمنیستان ینگ تۆرکیأنینگ 30-نجی مارت زینگیندیسیز اؤنۆمچیلیگینگ حالقارا گۆنی حؤکمۆنده ایغلان اتمه ک باراداقی باشلانغیجی بوُیونچا بیرلشن میللتلر قوراماسی نینگ 2022-نجی ییلینگ 14-نجی دکابریندا قابول ادیلن قارارناماسی نینگ قوُلداییجیسی بوُلاندیغینا اۆنس چکن قوربان قولی بردی محمدوف بو قارارناما قوُلداو بریأندیکلرینی بیلدیردی.

بردی محمدوف " تۆرکمنیستان دا و تۆرکیه ده یاشایان آداملارینگ آراسیندا دوُغانلیق قاتناشیقلارینی ایزی گیدرلی برکیتمه گینگ بیله کی دؤولتلرینگ حالقلاری نینگ آراسینداقی دؤره دیجیلیکلی، حأصیه تلی قاتناشیقلاری اؤسدۆرمأگه یاردام برجکدیگینه اینانیاندیغینی" نیغتادی و أردوُغان و عایالینا برک جان ساغلیغی و آبادانچیلیق و تۆرکیه حالقینا پاراحاتچیلیق، باغتیارلیق و گۆللأپ اؤسۆش آرزوو اتدی.