تۆرکمن دیلی کرکوک دا یانگاداندان رسمی دیللرینگ آراسیندا

عیراغینگ حؤکۆمتی کرکوک دأکی رسمی دیللره تۆرکمن دیلینی یانگاداندان قوُشدی.

عیراغینگ رسمی حابار سریشده سی، باش وزیر محمد شیاع السودانی نینگ تۆرکمن دیلی نینگ یازوولاردا و ادارا یازیشمالاریندا یانگاداندان اولانیلمالیدیغی بارادا گؤرکِزمه برندیگینی بیلدیردی.

موندان اوُزال عیراغینگ باش وزیرلیگی کرکوک دا ادارا یازیشمالاریندا دینگه عاراپچا و کۆرتچأنینگ اولانیلمالیدیغی بارادا کرکوگینگ ولایات حأکیملیگینه حاط اوغرادیپدی.

کرکوک داقی کؤپ سانلی تۆرکمن یاشاییجی بو مسئلأ قارشیلیق گؤرکِزیپدی.

عیراغینگ تۆرکمن جپهه سی نینگ سیاسی اداراسی محمد شیاغ السودانا چاغیریش بریپ شوُل قاراردان جاییلمالیدیغینی بیلدیریپدی

عیراغینگ مجلیسی نینگ تۆرکمن توُپاری دا کرکوک دا تۆرکمنچأنی گؤرمِزدن گلیپ اساسی قانونا قارشی ایش آلیپ باریلیاندیغینی آیدیپدی.

تۆرکیه ده بو مسئلأ قارشیلیق گؤرکِزیپدی.

شیله لیک بیلن تۆرکمنچه ده کرکوک دا ادارا و آراقاتناشیق دیلی حؤکمۆنده اولانیلماغا دوُوام ادر.