آذربایجان جمهوریتی تۆرکیأ کؤمِک ایبرمأگه دوُوام ادیأر

آذربایجان ینگ جمهورباشلیغی الهام علی یووینگ تاپشیریغی بیلن تۆرکیأ کؤمِکلر ایبریلمأگه دوُوام ادیأر.

آذربایجان ینگ سوُنگقی ایبرن کؤمِکلری کامیونلار بیلن قاهرامان ماراش ولایاتینا یتیریلدی.

بو کؤمِکلرینگ آراسیندا 260 چادیر، 300 یاتاق (اویقی تاغتی)، 2 اولی ژنراتور، 8000 گِییم، 20 مۆنگ جوُراب، 350 استول (میز)، 1000 سانی اوُتورغاچ و 5000 سانی ساچاق بار.

آذربایجان یر تیتره مه سی نینگ بیرینجی گۆنۆنده  بارلاغ حالاص ادیش اۆچین 420 آداملیق توُپار ایبریپدی.

ینه 8-نجی فوریه ده 227 پرسنل ایبردی.

آذربایجان سوُنگرا بوُلسا گؤچمه کِسِلحانا و 41 لوقمان ایبردی.

آذربایجان ینگ جمهورباشلیغی نینگ عایالی مهربیات علی یووا و حیدر علی یف قوراماسی دا تۆرکیأ 36 تن انسانی کؤمِک ایبردی.

باکو، گنجه و نخجوان دا دا تۆرکیأ کؤمِک اۆچین مرکزلر دؤره دیلدی.