آذربایجان: یؤنه‌کی رایاتلار لاچین کریدوریندان گچیپ بیلیأر
چکیلن ویدئولاردا دا یؤنه کی رایاتلارینگ بو کریدوردان گچیأندیگی گؤرۆلیأر
آذربایجان ارمنیستان ینگ لاچین کریدوری نینگ یؤنه‌کی رایاتلارا یاپیلاندیغی باراداقی سؤزلرینه جوُغاپ بردی.
آذربایجان ینگ داشقی قورشاو قوُراییجیلاری توُپاری نینگ آغضالاری تاراپیندان لاچین کریدوریندا یؤریش قورالیار اِمما یؤنه‌کی رایاتلار لاچین کریدوریندان گچیپ بیلیأر.
داشقی قورشاو قوراییجیلاری، ارمنیلرینگ یاشایان یری بوُلان، روسیا تاراپیندان واغتلایین کنترل ادیلیأن آذربایجان ینگ توُپراقلارینداقی معدنلرینگ بی قانون یاغدایدا ایشینه دوُوام اتمه‌گی نینگ اؤنگۆنه گچمه‌ک اۆچین پروتست قورایار.
شوشا شهری نینگ قوُلاییندا، حان کندی شهرینی ارمنیستانا باغلایان یوُلداقی روس گۆیچلری نینگ کنترل مرکزینده 12-نجی دکابر ارتیر بیلن باشلادیلان یؤریش 8-نجی گۆنۆنده ده دوُوام ادیأر.
پروتستچیلر روس گۆیچلری نینگ باشلیغی آندری وولکووینگ بو یره گلمه گینی ایسله یأر.
ارمنیلر لاچین کریدوری نینگ یؤنه کی رایاتلارا یاپیلاندیغینی اؤنگه سۆریأر اِمما آذربایجان، بو کریدوردا یؤنه کی رایاتلارینگ گچمه‌گینه پأسگِل بریلمه یأندیگینی بیلدیریأر.
چکیلن ویدئولاردا دا یؤنه کی رایاتلارینگ بو کریدوردان گچیأندیگی گؤرۆلیأر.
روس گۆیچلرینه دگیشلی بوُلان انسانی کؤمِک آلیپ باریان اولاغلارینگ دا بو کریدوردان راحات یاغدایدا گچیأندیگی گؤرۆلیأر.
روس عسگرلرینگ ماشغالالاری نینگ دا لاچین کریدوریندان گچیأندیگی گؤرۆلدی.
