تۆرکمنیستان ینگ تأزه جمهورباشلیغی اؤز ایشینه باشلادی

تۆرکمنیستان ینگ سایلانان جمهورباشلیغی سردار بردی محمدوف آنت ایچیپ رسمی تایدان اؤز ایشینه باشلادی.

سردار بردی محمدوف دۆین گچیریلن قاسام ادیلشیک داباراسی بیلن اؤز وظیپه‌سینه باشلادی.

ایرکی جمهورباشلیقلیق سایلاویندا 72.97 گؤتریم سس آلان بردی محمدوف سایلاودا ینگیجی ایغلان ادیلیپدی.

تۆرکمنیستان ینگ تأزه سایلانان جمهورباشلیغی سردار بردی محمدوف وظیپه سینه گیریشمه‌ک داباراسیندا سؤز سؤزله‌مه‌ک بیلن بو وظیپه ده نأحیللی ایشله‌جکدیگینی، ایلکینجی نوُباتدا هایسی مسئله لره قارالجاقدیغینی شیله آیتدی:

"قابول ادن ماقصاتنامامیزدا اؤنگه قوُیان وظیپه لریمیزی اؤز واغتیندا هم ده یوُقاری حیللی یرینه یتیرمه‌ک اۆچین، بیز أهلی مۆمکینچیلیکلریمیزی اولانیپ، آغزی‌بیرلیک و جبیسلیکده ال اله بریپ ایشله‌مه‌لیدیرس.

اؤز اؤنگۆمده قوُیان ماقصاتلاریمی اۆستۆنلیکلی عامالا آشیرماقدا من، ایلکینجی نوُباتدا حالقیمیزا، اوُنونگ آغزی بیرلیگی و جبیسلیگینه، آنگ- دۆشۆنجه سینه هم ده مردانلیغینا بیل باغلایارین. واطان دینگه حالقی بیلن واطاندیر! دؤولت دینگه حالقی بیلن دؤولتدیر! عزیز واطانداشلاریمیز، آغزی‌بیرلیگیمیز بیلن، أهلی سپگیتلره یتریس"

تۆرکمنیستان ینگ تأزه کابینه سی نینگ تأزه دۆزۆمی نینگ سردار بردی محمدووینگ یوُلباشچیلیغیندا دۆزۆلجکدیگی حابار بریلدی.