ایران: تۆرکمنیستان بیلن ایران طبیغی گاز مسئله‌سینده ایلالاشدی

ایران ینگ رسمی حابار سریشده‌سی ایران بیلن تۆرکمنیستان ینگ طبیغی گاز مسئله‌سینی چؤزگۆده قوُوشوراندیقلارینی حابار بردی.

ایران ینگ جمهورباشلیغی ابراهیم رئیسی، تأجیگیستان ینگ پایتاغتیندا گچیریلن شانگهای حیذماتداشلیق قوراماسی نینگ ماصلاحاتیندا، تۆرکمنیستان ینگ جمهورباشلیغی قوربان قولی بردی محمدوف بیلن دوشوشیق گچیریپدی.

دوشوشیقدا ایکی یوردونگ نأچه ییلدان بأری دوُوام ادیأن طبیغی گاز مسئله‌سی باراسیندا ایلالاشاندیقلاری بیلدیریلدی.

تۆرکمنیستان، ایران ینگ ساتین آلان طبیغی گازی‌نینگ برگیسینی برمأندیگینی اؤنگه سۆریأردی.

شوُل سبأپلی تۆرکمنیستان ایرانا طبیغی گاز ساتووینی دوروزیپدی.

ایکی یوردونگ یوُلباشچیلاری همیشه دوُستلوقلی قاتناشیقلارینا اۆنس چکیپ قاتناشیقلارینگ اؤسمِه‌گینی آرزوو ادیأر.

بندر تۆرکمن ینگ مجلیس وکیلی عبدالجلال ایری، ایران بیلن تۆرکمنیستان ینگ طبیغی گاز مسئله‌سینی چؤزگۆده قوُوشورماغی نینگ ایکی یوردونگ قاتناشیقلاریندا تأزه صاحیپا آچجاقدیغینی آیدیار.

ایرنا حابار سریشده‌سینه بیانات برن ایری، کۆمۆش دپأنینگ قالاجیق مرکزینده طبیغی گاز قورلوشیغی نینگ اۆستی بیلن تۆرکمنیستان دان کؤپرأک طبیغی گاز ساتین آلیپ بیلجکدیکلرینی بیلدیردی.

تۆرکمنیستان ینگ طبیغی گازی تۆرکمنیستان ینگ کؤرپه‌جه دییلن یریندن گۆلیستان ولایاتینداقی قالاجیق مرکزینه گلیپ شوُل یردن کۆردکوی شهرینده ایران ینگ طبیغی گاز تورباسینا باغلانیار.