أردوُغان ینگ آذربایجانا ساپاری باشلایار

تۆرکیأنینگ جمهورباشلیغی ارتیر آذربایجان جمهوریتینه ایکی گۆنلۆک رسمی ساپار قورایار.

تۆرکیأنینگ جمهورباشلیغی، آذربایجان ینگ یوُلباشچیسی الهام علی یووینگ رسمی چاقیلیغی بیلن آذربایجانا ساپار قورار.

أردوُغان بو ساپاردا، ارمنیستان ینگ 28 ییللیق اشغالیندان سوُنگ آزات ادیلیپ آذان سسی اِشیدیلمأگه باشلانان قاراباغ ینگ گؤره‌لدِه شهری شوشا بارار.

شوشا ولایات حأکیملیگینده علی یف تاراپیندان رسمی دابارا بیلن قارشیلانجاق أردوُغان علی یف بیلن اؤزآرا دوشوشیق گچیرر.

سوُنگ بوُلسا توُپارآرا دوشوشیغا گچیلر.

علی یف بیلن أردوُغان ینگ دوشوشیغیندان سوُنگ شوشا باشدا بوُلماق بیلن داغلیق قاراباغ ینگ تأزه دن دیکه دیلمه گی اۆچین ایلالاشیق شرطنامالارینا قوُل چکیشیلر.

أردوُغان بیلن علی یف سوُنگرا بوُلسا شوشانی گزیپ گؤرر.

أردوُغان چارشنبه گۆنی 16-نجی ژوئن ده آذربایجان ینگ میللی مجلیسی نینگ باشلیغی صاحیبه غفورووا بیلن دوشوشار و میللی مجلیسده بیانات برر.

تۆرکیأنینگ جمهورباشلیغی تۆرکیأنینگ میللی فوتبال توُپارینی دا یکه قوُیمار و چارشنبه گۆنی باکودا یورو 2020 یاریشیندا تۆرکیأ قوُلداو برمه ک اۆچین استادیوما گلر.

أردوُغان بیلن علی یف تۆرکیه- ولز فوتبال یاریشینی بیله لیکده توُماشا ادرلر.