تۆرکیه، تۆرکمنیستان و آذربایجان ینگ داشاری ایشلر وزیرلری آنکارادا دوشوشدی

تۆرکیه، تۆرکمنیستان و آذربایجان ینگ داشاری ایشلر وزیرلری نینگ 5-نجی اۆچ تاراپلی ماصلاحاتی آنکارادا گچیریلدی.

تۆرکیأنینگ داشاری ایشلر وزیری مولود چاووش اوُغلی نینگ یر ایه چیلیگینده گچیریلن ماصلاحاتا تۆرکمنیستان ینگ داشاری ایشلر وزیری رشید مردوف و آذربایجان ینگ داشاری ایشلر وزیری جیحون بایراموف قاتناشدی.

دوشوشیقلاردا اؤزآرا و بؤلگه آرا مسئله لر حاقیندا گنگه شیلدی.

تۆرکیأنینگ داشاری ایشلر وزیری مولود چاووش اوُغلی ایلکی بیلن تۆرکمنیستان ینگ وزیرلر کابینه سی نینگ باشلیغی نینگ اوُرونباساری و داشاری ایشلر وزیری رشید مردوف بیلن دوشوشدی و اوُنی ایکینجی واطانیندا میهمان ادندیگینه حوُشاللیق بیلدیردی.

دوشوشیقدان سوُنگرا ایکی وزیر مطبوغات گنگه شینی گچیردی.

چاووش اوُغلی ایکی یوردونگ داشاری ایشلر وزیرلیکلری نینگ 2021- 2022-نجی ییلداقی حیذماتداشلیق گؤزیتیمینی طایارلاندیقلارینی آیتدی.

تۆرکیأنینگ جمهورباشلیغی رجب طیب أردوُغان ینگ شو ییل تۆرکمنیستانا قوراجاق ساپاری نینگ دا طایارلیقلاری گؤرۆلیأندیگی بیلدیریلدی.

تۆرکیأنینگ داشاری ایشلر وزیری سوُنگ بوُلسا آذربایجانلی ایشدشی جیحون بایراموف بیلن دوشوشدی.

دوشوشیقدا اؤزآرا قاتناشیقلارینگ اؤسدۆریلمه گی بارادا گنگه شیلدی و یوُقاری قاراباغ مسئله سیندأکی سوُنگقی یاغدای حاقیندا ماغلومات آلیندی.

چاووش اوُغلی بو دوشوشیقدا آذربایجان ینگ آزات ادیلن یرلری نینگ تأزه دن دیکه دیلیشینه تۆرکیأنینگ قوُلداو برجکدیگینی آیتدی.

سوُنگ بوُلسا تۆرکیه- آذربایجان- تۆرکمنیستان ینگ داشاری ایشلر وزیرلری نینگ اۆچ تاراپلی ماصلاحاتی نینگ 5-نجی سانیسی گچیریلدی.