چاووش اوغلی: "باسیپ آلیجی بیلن، اِجیر چکیأن آذربایجان دنگ توتولمالی دأل"
تۆرکیأنینگ داشاری ایشلر وزیری آذربایجان دا ساپاردا بوُلدی
تۆرکیأنینگ داشاری ایشلر وزیری مولود چاووش اوُغلی باسیپ آلیجی بیلن اِجیر چکیأن آذربایجان ینگ دنگ توتولمالی دألدیگینه بۆتین دۆنیأنینگ دۆشۆنمه‌لیدیگینی آیتدی.
ایش ساپاری بیلن آذربایجانا باران مولود چاووش اوغلی پایتاغت باکودا پرزیدنت الهام علی یف تاراپیندان قابول ادیلدی.
دوشوشیغا آذربایجان ینگ داشاری ایشلر وزیری جیحون بایرموف، تۆرکیأنینگ مجلیسی نینگ تۆرکیه- آذربایجان دوُستلوق توُپاری نینگ باشلیغی شامیل آیریم و تۆرکیأنینگ باکوداقی ایلچیسی ارکان اؤزاوُرال دا قاتناشدی.
چاووش اوُغلی، آذربایجانلی ایشدشی جیحون بایراموف بیلن داغلیق قاراباغ داقی سوُنگقی یاغدای و بؤلگه آرا و حالقارا مسئله لر حاقیندا گنگه شدی.
ایکی وزیرینگ دوشوشیغیندان سوُنگ مطبوغات گنگه شی گچیریلدی.
ینه ده بیر گِزه ک تۆرکیأنینگ آذربایجانا بریأن قوُلداوینی گؤرکِزمه ک اۆچین شو گۆن آذربایجانا ساپار قوراندیغینی آیدان چاووش اوُغلی "بیز المیداما دوُغانلیق یورت آذربایجان ینگ یانیندا. بۆتین دۆنیأ شونی ینه بیر گِزه ک قایتالاماق ایسله یأرین، یوُقاری قاراباغ آذربایجانا دِگیشلیدیر" دیدی.
چاووش اوُغلی آغیر یاغدایا دۆشن ارمنیستان ینگ، ایلاتلی یرلره هۆجۆم اتمأگه باشلاندیغینی و اوُنونگ انسانی جنایات بوُلاندیغینی نیغتادی.
چاووش اوغلی اوُنونگ ارمنیستان ینگ باشدان گچیریأن چأره سیزلیگی نینگ گؤرکِزیجیسیدیگینی بیان اتدی.
مینسک توُپارینا گیریأن یورتلارینگ باسیپ آلیجی بیلن ظلم چکیأن آذربایجانی دِنگ توتیاندیغینی آیدان تۆرک وزیر،
"اوُنونگ بیله دوُوام اتمه‌جکدیگینه بۆتین دۆیأ دۆشۆنمه لیدیر" دیدی.
بایراموف بوُلسا ارمنیستان دؤولتی نینگ ترورچی دۆشۆنجأ ایه دیگینی و ماقصاتلارینا یتمه ک اۆچین هیچ حیللی یؤره‌لگه لری نینگ یوُقدیغینی آیتدی.
دِگیشلی حابارلار
اوُرتا آسیا یورتلاری نینگ یوُلباشچیلاری روسیادا
تۆرکمنیستان، اؤزبگیستان، قازاغیستان و تأجیگیستان ینگ جمهورباشلیقلاری روسیادا ساپاردا بوُلیار
