علی یف أردوُغانا مینتدارلیق بیلدیردی

آذربایجان ینگ جمهورباشلیغی الهام علی یف، ارمنیستان ینگ هۆجۆملرینه قارشی آذربایجانا قوُلداو برن تۆرکیأنینگ جمهورباشلیغی رجب طیب أردوُغانا مینّتدارلیق بیلدیردی.

آذربایجان ینگ جمهورباشلیقلیغی نینگ گنگه شچیسی حکمت حاجی یف، أردوُغان ینگ "حالقارا دنگیز حقوغی و گۆن دوُغار آق دنگیزی سمپوزیومیندا" ادن چیقیشیندا ارمنیستان- آذربایجان جپهه حاطیندا بوُلان یاغدایلار بیلن باغلانشیقلی سؤزلرینه مینتدارلیق بیلدیریأندیکلرینی آیتدی.

آذربایجان ینگ جمهورباشلیغی الهام علی یف ینگ أردوُغانا مینتدارلیغینی بیان ادندیگینی آیدان حاجی یف "ارمنیستان ینگ ادن هۆجۆملری نینگ ایلکینجی ساغاتلاریندا باشدا أردوُغان بوُلماق بیلن تۆرکیه هۆجۆملری برک یازغاردی و بیزه دوُلی قوُلداو بردی. آذربایجان ینگ حالقی بو قوُلداوا مینتدارلیق بیلدیریأر" دیدی.

توُووز بؤلگه سینه ادیلن هۆجۆمده ده ارمنیستان -ی ایلکینجی داقیقالاردا برک یازغاران یوردونگ تۆرکیه بوُلاندیغینی یاتلادان حاجی یف، "جمهورباشلیق علی یف ده آذربایجان ینگ همیشه تۆرکیأنینگ یانیندا بوُلاندیغینا اۆنس چکدی. آذربایجان و تۆرکیه بیر میللت، ایکی دؤولت شیغارینا لاییقلیقدا بۆتین مسئله لرده بیله لیکده لیگینی گؤرکِزیأر و همیشه بیری بیرینه قوُلداو بریأر" دیدی.