بندر تۆرکمن‌ده ایکی تۆرکمن وکیل بوُلماق اۆچین یاریشیار

ایران ینگ گۆلیستان ولایاتی نینگ گۆن باتار شهرلری نینگ یاشاییجیلاری شهریور آیی نینگ 21-ینده اؤز وکیلینی سایلاماق اۆچین سس برِر.

بندر تۆرکمن، کۆمۆش دِپه، کۆردکۆی و بندرگز شهرلری نینگ یاشاییجیلاری عبدالجلال ایری بیلن رجب محمد آبادی نینگ آراسیندان بیر وکیلی مجلیسه ایبرر.

سایلاوینگ بیرینجی اِتابیندا عبدالجلال ایری 21 مۆنگ 183 سِس آلیپدی.

رجب محمد آبادی بوُلسا 14 مۆنگ 983 سس آلیپدی.

گۆلیستان ینگ گۆن باتار شهرلری نینگ یاشاییجیلاری شهریور آیی نینگ 21-ینده صاندیقلارا باریپ ایری بیلن آبادی نینگ آراسیندان بیر وکیل سایلار.

موندان اوُزال، سایلاوینگ بیرینجی اِتابیندا کۆممِت قاووز و داشلی بورون شهرلریندن تۆرکمن یازیجی و آکتیویست آمان قلیچ شادمهر وکیل حؤکمۆنده سایلانیپدی.

گۆلیستان ولایاتی ایران ینگ اسلامی شورا مجلیسینه 7 وکیل ایبریأر.