تۆرک یورتلار گنگه‌شی پاراحاتچیلیق چشمه‌سی حرکتینه قۇلداو بردی

آذربایجان دا گچیریلن تۆرک دیللی یورتلارینگ حیذماتداشلیق گنگه شی نینگ ۷-نجی ماصلاحاتیندا تۆرکیأنینگ پاراحاتچیلیق چشمه سی حرکتینه قۇلداو بریلدی.

آذربایجان ینگ جمهورباشلیغی الهام علی یووینگ یر ایه چیلیگینده گچیریلن ماصلاحاتا تۆرکیأنینگ جمهورباشلیغی رجب طیب أردۇغان، قازاغیستان ینگ اساسلاندیریجی جمهورباشلیغی نورسلطان نظربایف، قیرغیزیستان ینگ جمهورباشلیغی سورونبای ژگنبکوف و اؤزبگیستان ینگ جمهورباشلیغی شوکت میرضیایف قاتناشدی.

تۆرک گنگه شی نینگ سینچی آغضاسی مجاریستان ینگ باش وزیری ویکتور اوربان بیلن قوراما آغضا بۇلماسا دا قاتناشان تۆرکمنیستان ینگ باش وزیری نینگ اۇرونباساری پورلی آغامرادوف بو ماصلاحاتا قاتناشدی.

ماصلاحاتدان سۇنگرا چاپ ادیلن جارنامادا تۆرک یاراغلی گۆیچلری نینگ تاراپیندان سوریه ده فرات ینگ گۆن دۇغاریندا دۇوام اتدیریلیأن پاراحاتچیلیق چشمه سی حرکتینه قۇلداو بریلدی.

جارنامادا شول مسئله باراسیندا شیله دییلدی:

"تۆرک گنگه شی، تۆرکیأنینگ پاراحاتچیلیق چشمه سی حرکتی نینگ ترورچیلیق بیلن ساواشا، سوریأنینگ تۇپراق بیتولیگی نینگ قۇرالماغینا، سوریه لیلرینگ ترورچیلارینگ ظلم و باسیشیندان حالاص بۇلماغینا و قۇویلان سوریه لیلرینگ حۇوپسوز و اؤز ایغتیارلاری بیلن دۇغدوق دیارینا قایتماغینا قۇشانت قۇشجاقدیغینا اومیتلارینی بیان ادیأر".