چاووش اۇغلی: قبرس مسئله سینده قبرسلی تۆرکلری قۇلدایاریس

تۆرکیأنینگ داشاری ایشلر وزیری مولود چاووش اوغلی تۆرکیأنینگ قبرس مسئله سینه چؤزگۆت اۆچین بۆتین ساغدینلیغی بیلن تاغاللا ادندیگینی و بو اوزاق یۇلدا همیشه چؤزگۆت اۆچین گۆیچلی ایغتیارینی گؤرکِزندیگینی آیتدی.

چاووش اۇغلی رسمی ساپار بیلن دمیرقازیق قبرس تۆرک جمهوریتینه باردی.

داشاری ایشلر وزیری دمیرقازیق قبرس تۆرک جمهوریتی نینگ جمهورباشلیغی مصطفی آقینجی بیلن دوشوشیغیندان سۇنگ مطبوغات گنگه شینی گچیردی.

چاووش اۇغلی جمهورباشلیق آقینجی بیلن بیله لیکده دمیرقازیق قبرس تۆرک جمهوریتی نینگ پارلمانینداقی حزبلرینگ باشلیقلاری بیلن ده دوشوشاندیغینی یاتلادیپ، بو دوشوشیقلاردا قبرس مسئله سی و گۆن دۇغار آق دنگیزدأکی هیدروکربن تاغاللالاری نینگ گۆن ترتیبینه گتیریلندیگینی بیلدیردی.

بیرلشن میللتلر قوراماسی نینگ باشلیغی آنتونیو گوترش ینگ قبرس داقی یؤریته وکیلی جین هال لوته نینگ دوشوشیقلارینی یاقیندان ایزارلایاندیقلارینا اۆنس چکن مولود چاووش اوغلی،

"قینانچ بیلن آیدیارین کی قبرس تۆرک حالقی نینگ سیاسی دنگ یاغدایلیلیغینی یرینه یتیرجک و حۇوپسوزلیغینی اۆپجۆن اتجک اؤزگِردیلیشی گؤرمه دیک" دیدی.

چاووش اوغلی تۆرکیأنینگ بو مسئله لره جۇغاپ برجک هر حیلی تکلیبینگ تۆرکیه تاراپیندان قۇلدانیاندیغینی آیدیپ،

"هیچ بیر چؤزگۆت مدلینه أسگِرمِزچیلیک اتمه یأریس. هر حیلی بیر چؤزگۆت اتابی نینگ زۇر بیلن تکلیپ ادیلمه گینه قارشیدیرس اِمما مسئلأنینگ اساسی تاراپی روم تاراپی نینگ قبرس تۆرکلری نینگ سیاسی دنگ یاغدایلیغلینی رسمی تایدان قابول اتمه گیدیر" دیدی.

تۆرکیأنینگ داشاری ایشلر وزیری، گۆن دۇغار آق دنگیزده هم اؤزلری نینگ هم ده قبرس تۆرکلری نینگ حاقلارینی قۇراماغا دۇوام اتجکدیگینی بیلدیردی.