قبرس ینگ تاشکنت اۇباسیندا یانغین بۇلدی

دمیرقازیق قبرس تۆرک جمهوریتی نینگ پایتاغتی لفکوشا بیلن گیرنه نینگ آراسینداقی تاشکنت اۇباسی نینگ قۇلاییندا پارتلاما و یانغین بۇلدی.

حۇوپسوزلیق گۆیچلری هیچ کیمی واقانینگ بۇلان یرینه قۇلایلاتمایار.

دمیرقازیق قبرس تۆرک جمهوریتی نینگ باش وزیری نینگ اۇرونباساری و داشاری ایشلر وزیری قدرت اؤزرسای توییتردان، پارتلامانینگ سبأبی نینگ اۇق دأری آمباری یا دا دیک اوچار بۇلماندیغینی آیتدی.

اؤزرسای واقانینگ یرینه باراندان سۇنگ،

"ایلکینجی کسگیتلره گؤرأ پارتلاما سبأپ بۇلان زادینگ پارتلاپ بیلجک بیر تۇپ گۆلـله سی یا دا گؤنی بمبا بۇلاندیغینا اۆنس چکیأر. پارچالارینگ اۆستۆنده یازیلانلار حاقیندا بارلاغ گچیرلر و قیسغا واغتدا نأمه بۇلاندیغی آنیقلانار" دیدی.

واقادا ییتگی چکیلمأندیگینی آیدان اؤزرسای یانغینینگ کنترل آستینا آلیناندیغینی آیتدی.