اؤزبگیستان بیلن قازاغیستان ینگ آراسیندا اتوبوس یۇلاغچیلیغی باشلادی

۲۰ ییل آرادان سۇنگرا اؤزبگیستان بیلن قازاغیستان ینگ آراسیندا تأزه دن اتوبوس ساپارلاری باشلادیلدی.

اؤزبگیستان ینگ اتوموبیل قوراماسی، اتوبوسلارینگ داشکنت بیلن چیمکنت آراسیندا قاتناجاقدیغینی بیلدیردی.

ایلکینجی اتوبوسینگ یۇلاغجیلاری ایر ارتیر بیلن داشکنت دن ساپارینی باشلادی.

اؤزبگیستان ینگ گیشت کؤپریک و قازاغیستان ینگ ژیبک ژولی (یۆپک یۇلی) سرحتلریندن گچن بو اتوبوس ۱۴۵ کیلومترلیک یۇلی ۳ ساغاتدا تاماملایار.

هر ایکی شأهِردن هر ساغاتدا بیر اتوبوس یۇلا چیقار.

اؤزبگیستان، شۇل یوردونگ تاریحی خیوه، بخارا و سمرقند شأهِرلریندن ده قازاغیستانا اتوبوس ساپارلاری نینگ باشلادیلجاقدیغینی بیلدیردی.

اؤزبگیستان بیلن قازاغیستان ینگ آراسینداقی ایزی گیدرلی اتوبوس ساپارلاری ۱۹۹۷-نجی ییلدا دوروزیلیپدی.

سۇنگقی دؤوۆرده ایکی یوردونگ قاتناشیقلاری نینگ اؤسمه گی بیلن، اؤتن ییل داشکنت- آلماتی آراسیندا ترن ساپارلاری باشلادیلیپدی.