یوسف آزمون تۆرک دیلینه ادن حیذماتلاری سبأپلی أردۇغان دان بایراق آلدی
تۆرکمن- تۆرک دیلی پوداغیندا تانالیان دکتر یوسف آزمون تۆرک دیلینه قۇشان قۇشانتلاری اۆچین بو بایراغا میناسیپ گؤرۆلدی
تۆرکیأنینگ جمهورباشلیغی رجب طیب أردۇغان، تۆرک دیلینه ادن حیذماتلاری اۆچین ۱۲ تۆرکۇلوگ عالیما بایراق بردی.
۸-نجی حالقارا تۆرک دیلی قورولتاییندا چیقیش ادن أردۇغان "دیلینی ییتیرن بیر حالقینگ بیله‌کی موقاددس زاتلارینی ساقلاماغی اؤرأن قیندیر. حاتدا مۆمکین دألدیر. مدنیتلره ادیلن هۆجۆملر و باسیشلار ایلکی بیلن دیله ادیلن هۆجۆملر بیلن باشلایار. بیر میللتینگ دیلی اِلیندن آلینسا شۇل میللت دیزا چؤکِر " دیدی.
بۆتین دۆنیأنینگ تانیمال تۆرکۇلۇگلاری‌نینگ اۆیشن داباراسی و قورولتاییندا تۆرکمنلرینگ تانالیان بیر عالیمی دا باردی.
تۆرکمن‌صحرانینگ تۆرک و تۆرکمن دیلینده تانیمال عالیمی دکتر یوسف آزمون بو دابارادا تۆرکیأنینگ جمهورباشلیغی رجب طیب أردۇغان تاراپیندان بایراغا و سیلاغا میناسیپ گؤرۆلدی.
تۆرکمن- تۆرک دیلی پوداغیندا تانالیان دکتر یوسف آزمون تۆرک دیلینه قۇشان قۇشانتلاری اۆچین بو بایراغا میناسیپ گؤرۆلدی.
دکتر آزمون بیلن بیله لیکده تۆرکیه، روسیا، اسرائیل، قازاغیستان، قیرغیزیستان و گۆن اۇرتا کره دن بِللی باشلی تۆرکولوژی عالیملاری دا تۆرکیأنینگ جمهورباشلیغی تاراپیندان سیلاندی.
