تۆرکمن صحرانی تۆرک دۆنیأسینه تانادان یازیجی عبدالرحمن دیهجی
دکتر عبدالرحمن دیهجی یازان اثرلری بیلن تۆرکمنصحرانی تۆرکیأ و تۆرک دۆنیأسینه تانادیار
تۆرکیهدأکی تراکیا بیلیمیوردونینگ موغاللیمی دکتر عبدالرحمن دیهجی تۆرکمنصحرانی تۆرکیأ و تۆرک دۆنیأسینه تانادیار.
پارسچا یازان اثرلرینی تۆرک دیلینه اؤوۆرِن و تۆرکچه رمان و حکایالار یازان عبدالرحمن دیهچی بیلینمهدیک یر بۇلان تۆرکمنصحرانینگ گیزلین قالان حکایالارینی تۆرک دۆنیأسینه هؤدۆرلهیأر.
پارس دیلینده دۆرلی رمان و حکایا کیتاپلاری بیلن، تۆرکمن دیلینده قۇشغیلاری بیلن بیلینیأن عبدالرحمن، تۆرکیهده ده یازماغا باشلان حکایا و رمانلاری بیلن تانالیار.
تۆرکیهده آیدیم دا آیتماغا باشلان دکتر دیهجی تۆرکیأنینگ آناتوری حابار سریشدهسینه برن بیاناتیندا "من ایرانینگ تۆرکمنصحرا بؤلگهسینده (سِبیتینده- منطقهسینده) دۇغلان من، شۇل یرده اولالدیم. تۆرکمنصحرانینگ یاشاییجیلاری تۆرکیأنی اؤرأن حالایار و تۆرکیأنی ایزارلایار. اِمما شۇنگ یالی منگزش حالق تۆرکیهده تانالمایار. من اثرلریم بیلن اونودیلان بؤلگأنینگ یاشاییشینی، دویغوسینی و دۆنیأ قاراییشینی دۆشۆندیریأرین" دییأر.
۲۰- دن قۇوراق اثری بیلن ایرانینگ دؤورهباپ (معاصر- چاغداش) یازیجیلارینینگ ساناوینا گیرِن دۆیهجی "تۆرکمنصحرا تۆرک دۆنیأسی اۆچین ماغتیمقولی یالی اولی شاهیرلارینگ دۆنیأ گلن یریدیر. ایراندا چاپ ادن اثرلریم حالاندی، کیتاپلاریمدان ایکیسی تۆرکمنیستاندا دا چاپ ادیلدی. سۇنگقی یازان کیتابیم آی... گۆلجِمال، شۇل کیتابی تۆرک دیلینده یازیپ تۆرکیهده چاپ اتدیم. سۇنگرا بۇلسا پارسچا یازیپ ایرانا ایبردیم و پارسچا دا چاپ ادیلجک" دییپ بِللهیأر.
تۆرکلرینگ گۆندۇغارینگ کلاسیک اثرلرینی بیلیأندیگینی نیغتان دکتر عبدالرحمن دیه جی "تۆرکیه گۆندۇغارداقی مدرن اثرلری ده اۇقامالیدیر" دییأر و تۆرکیهده ۳ اثرینینگ چاپ ادیلندیگینی بیلدیریأر.
دکتر عبدالرحمن دۆیهجی شو واغت تۆرکیأنینگ گۆنباتارینداقی دؤولت بیلیم یورتلاریندان تراکیا بیلیمیوردونینگ (اونیورسیتهسینینگ- دانشگاهینینگ) صونغات پوداغیندا اوسسادیدیر.