تۆرکمنیستاندا تأزه زاوۇدینگ دۆیبی توتولدی
تۆرکمنیستاندا طبیغی گازی بنزینه اؤوۆرِن کأرحانا قورالیار
تۆرکمنیستان یاقین ییللاردا دۆنیأنینگ صناغات تایدان اؤسِن دؤولتلرینینگ بیرینه اؤورۆلمأگه سینانشیار.
آحال ولایاتیندا دِروزه اترابیندا طبیغی گازی قایتادان ایشلأپ بنزین اؤندۆریأن کأرحانالار (زاوۇدلار) تۇپلومینینگ دۆیبۆنی توتماق داباراسی بۇلدی.
تۆرکمنیستانینگ جمهورباشلیغی قوربانقولی بردیمحمدووینگ قاتناشماغیندا دۆیبی توتولان بو اولی تۇپلومی بیر تۆرک شرکتی قورار.
اوروپانینگ کأمیل تکنولوژیسی بیلن انجاملاشدیریلجاق زاوۇدینگ باهاسی ۱ میلیارد ۷۰۰ میلیون آمریکان دلارینا دِنگ بۇلوپ، اۇل، ییلدا ۱ میلیارد ۷۸۵ میلیون مکعب متر طبیغی گازی قایتادان ایشلأپ ۶۰۰ مۆنگ تن A-۹۲ مارکلی بنزین اؤندۆرِر.
بو یرده ۸۰۰-ِه قۇلای یرلی هۆنأرمِن زحمت چکِر.
دۆنیأده ایلکینجی گاز تۇپلوملارینینگ بیرینه اؤورۆلجِک بو دِسگا، ۲۰۱۸-نجی ییلینگ آوریل آییندا قورولیپ اولانیلماغا بریلر.
دِگیشلی حابارلار
![اؤزبگیستان دا آذربایجان ینگ مدنیت گۆنلری گچیریلیأر](http://cdn.trt.net.tr/images/medium/rectangle/8516/5ca3/ff2d/62b11cde00884.jpg?time=1719144589)
اؤزبگیستان دا آذربایجان ینگ مدنیت گۆنلری گچیریلیأر
اؤزبگیستان ینگ جمهورباشلیغی شوکت میرضیایف آذربایجان ینگ مدنیت گۆنلری میناسیبتلی یازماچا بیانات بردی