سریلانکا تارانتیزمی

تأزه هپدأنی تأزه بیر ترور هۆجۆمی بیلن باشلاپدیق. بو گِزِک هیندیستانا قۇنگشی بۇلان گۆن اۇرتا آسیا یورتلاریندان سریلانکادا ترور هۆجۆمی قورالدی. پایتاغت کلمبودا و اۆچ شأهِرده هریستیانلار (مسیحیلر) اۆچین موقاددس بۇلان پاسکا بایرامی (عید پاک) گۆنۆنده اۆچ کلیسا و دؤرت میهمانحانا قورالان سکگیز هۆجۆمده حأضیرکی واغتا چنلی ۳۵۰-دن قۇوراق آدام اؤلدی. ۵۰۰ دن قۇوراق آدام یارالاندی.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

سریلانکا و ایچرکی چاقنیشیقلار

هۆجۆملر سبأپلی سریلانکانینگ حالقی اولی قینانجی هم ده نأبِللیگی باشدان گچیریأر. شۇل سبأپلی شو گۆن سریلانکالیلارینگ آرقالاشیق گۆنی.

هۆجۆملرده حأضیرکی واغتا چنلی ۳۶ سانی داشاری یورتلی اؤلدی. آرالاریندا تۆرکلرینگ و مسلمانلارینگ بۇلان اؤلِن داشاری یورتلارینگ ساناویندا آمریکالیلار، انگلیسلر، هیندیستانلیلار و دانمارکلیلار هم بار.

هۆجۆملردن سۇنگ حؤکۆمت کؤچه لره چیقماغی قاداغان اتدی. أهلی سوسیال مدیا آراقاتناشیغی بس ادیلدی.

سریلانکا ۲۲ میلیونا قۇلای ایلاتلی آدا دؤولتی. ایلاتینگ ۷۰ گؤتریمی بودیست، ۱۲ گؤتریمی هیندو، ۹ گؤتریمی مسلمان و ۶ گؤتریمی مسیحیلردن عیبارات.

سریلانکا ۱۹۸۳- ۲۰۰۹-نجی ییلارینگ آرالیغیندا بوت پاراز سینهالار بیلن هندو تامیللارینگ آراسیندا ایچرکی اورشی باشدان گچیرن یورت. شۇل اوروش حؤکۆمته دگیشلی گۆیچلرینگ ۲۰۰۹-نجی ییلدا قازانان اۆستۆنلیگی بیلن تاماملاندی.

هۆجۆمینگ سبأپلری و کیملر تاراپیندان قورالاندیغی بارادا هنیزه چنلی بیان ناما بریلمه دی. حأضیرکی واغتا چنلی الهِنچ ترور هۆجۆملرینی بۇیون آلان قوراما هم یۇق. سریلانکادا واغتال واغتال بت پارازلار تاراپیندان هریستیانلارا و مسلمانلارا هۆجۆملر قورالیار. یاقین گچمیشده بت پارازلار تاراپیندان ۲۶ گِزِک کلیسالارا هۆجۆملر قورالاندیغی آیدیلیار. ۲۰۱۳-نجی ییلداقی بت پاراز هۆجۆملرینده بۇلسا ۴۰ مسلمانینگ اؤلدۆریلندیگی بیلینیأر.

دۆنیأدن یازغارمالار

بیر آی قۇلای اۇزال تأزه زلانددا متجیده قورالان هۆجۆمه ترور هۆجۆمی هم دییپ بیلمه دیک تاس دیمماغی سایلاپ آلان دۆنیأ لیدرلری بو گِزِک هۆجۆمی برک یازغاردیلار. شۇل چمه له شمأنینگ أهلی هۆجۆملرده ده گؤرکِزیلمه گینی و حیذماتداشلیغینگ آرتماغینی آرزوو ادیأریس.

تۆرکیأنینگ جمهورباشلیغی رجب طیب أردۇغان هم هۆجۆملری برک یازغاردذی. أردۇغان بیاناتیندا شۇل هۆجۆمینگ بۆتین آدامزادا قورالاندیغینا و ترورچیلیغا قارشی گلوبال حیذماتداشلیغینگ أهمیتینه اۆنسی چکدی: "سریلانکادا پاسکا بایرامیندا قورالان ترور هۆجۆملرینی برک یازغاریارین. بو هۆجۆم بۆتین آدامزادا قارشی قورالدی... باربارلارچا هۆجۆم، ترورینگ أهلی گؤرنۆشلرینه قارشی اِگیلشیکسیز گؤره شینگ أهمیتینی ینه ده بیر گِزِک گؤرکِزدی. آدامزادینگ و گلوبال پاراحاتچیلیغینگ عمومی دوشمانی بۇلان ترورچیلیغا قارشی سریلانکا بیلن آرقالاشیاندیغیمیزی بیان اتمه ک ایسله یأرین".

سریلانکا تارانتیزمی

تأزه زلانددا متجیتلرده عیبادات ادن بی گۆنأ مسلمانلارینگ قیریلماغیندان بیر آی قۇلای واغت سۇنگرا سریلانکادا کلیسالاردا عیبادات ادن بی گۆنأ مسیحیلرینگ قیریلماغی اۆنس چکیجی. تأزه زلاند قیرغینچیلیغی سبأپلی اۇزالقی گپله شیگیمیزده قیرغینچیلیقلاری آق یاغیز راسیزمینگ اۆستۆن چیقماغی تایدان قورالاندیغینی مانیفست بیلن بۆتین دۆنیأ ایغلان ادن ترورچی برنتون تارانت دان اوغور آلیپ شیله راسیست هۆجۆملری تارانتیزم حؤکمۆنده حأصیه تلدیریپدیک. دؤولت راسیزمینی قاشیسم، میللت راسیزمینی نازیسم، دینی راسیزمی صهیونیسم حؤکمۆنده قابول ادن حالاتیمیزدا آق یاغیز راسیزمینی هم اؤز بۇلوشلی کِسگیتله مِک گره ک بۇلوپدی.

سریلانکاداقی پِس پأل هۆجۆمی هم نأمه اۆچین، کیم تاراپیندان قورالاندیغینا قارامازدان تأزه زلاندداقی هۆجۆمینگ جنایاتکأری تارانت ینگ ذهنیتیندن تاپاووتلی گؤرۆنمه یأر. هۆجۆم برک یازاریلمالی، ادنلر آغیر جزالاندیریلمالی.

عادالات چاغیریشی

یاشایان دؤورۆمیزده آداملار اسلام، هریستیانلیق، یهودیلیک، بودیسم، سکولاریسم یا دا باشغا دینلرینگ و ایدئولوژیلارینگ آدیندان تروریزمه یۆز توتوپ بیلیأر. شک یۇق کی ترورینگ هایسیدیر بیر سبأبی یا دا توتاریغی بۇلماز. شونونگ بیلن بیرلیکده عادالاتسیزلیق دویغوسینی یۆزه چیقاران حالاتیندا دا ترورا یۆز توتولیاندیغینی هم گؤرمه ک یرلیکلی بۇلار. البتده عادالات اۆپجۆن ادیبلن حالاتیندا دا کأبیر آداملار ترورا یۆز توتوپ بیلر. اِمما تروری مۆمکین قادار آزالتجاق زات ترورینگ پادزهری بۇلان عادالاتدیر. ادیلمه لی زات، ایلکی بیلن آداملارینگ رادیکاللاشماغی نینگ اؤنگۆنی آلجاق عادالات گؤزلِه‌گینده بۇلماقدیر. اولیور روی یینگ "اسلام رادیکال یاغدایا گلیأر رادیکالیسم اسلاملاشیار" سؤزی، کؤپ سانلی ترور هۆجۆمی نینگ سبأبی اۆچین اؤرأن آیدینگلاشدیریجی.

آداملار رادیکاللاشدیریجی سایین اوییان دینلری و ایدئولوژیلری آرقالی تروری قانونی یاغدایا گتیرمه تاغاللاسینا گیریشیأر. گلوبال درجه دأکی عادالات چاغیریشیمیز و تاغاللامیز بیلن رادیکالیزم دۇلولیغینا یۇق ادیلمه لی.

گلوبال درجه ده عادالات گؤزله گیمیز بۇلسا دینگه اؤز میللتیمیز و اؤز تۇپراغیمیز اۆچین تاغاللا ادن حالاتیمیزدا دۆنیأمیز گۆن سایین اینامسیزلاشار. چۆنکی گلوبال آراقاتناشیق و ماغلوماتلار دؤورۆنده عادالاتسیزلار، ظلملار اؤرأن چالت گؤرۆلیأر، آداملارینگ اۇلارا گچیریلملیک اتمه چأگی بۇلسا گۆن سایین آزالیار.

۱۱-نجی سنتیابردا آمریکانینگ هۆجۆملری سبأپلی پاریس دا، لندن و آنکارادا ترانت ینگ متجیده قوران هۆجۆمی سبأپلی تأزه زلانددا سۇنگقی کلیسا هۆجۆملری بیلن سریلانکادا بۇلشی یالی ترور هۆجۆملری دؤرت تاراپدا آداملارا وهیم و ضلل ییتیریأر. هایسی یورتدا یاشایاندیغینا قارامازدان بو هۆجۆملر سبأپلی دورموشیمیز حاص حۇوپلی. شۇل سبأپلی بیر تاراپدان عادالات تاغاللامیز گۆیچله ندیریپ، تروریسما قارشی بۆتین آدامزات بیله لیکده گؤره شمه لی. ترور هۆجۆملری نینگ کأبیرلری گؤرمه‌دیکسیریمه‌ک، اۆنسسۆز چمه له شمه ک دورموشیمیزا حۇوپ سالماقدان باشغا ماغنا آنگلاتمایار.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقادینگیز.