پ. ک. ک/ پ. ی. د- ی. پ. گ و داعش قاتناشیغی

ترور قوراماسی پ. ک. ک/ پ. ی. د- ی. پ. گ بیلن داعش ینگ آراسیندا بۇلان چاقنیشیقدان سۇنگ بو تۇپارلار اؤزآرا بأحبیت قاتناشیغی یۇلا قۇیاندیغی یۆزه چیقدی و شۇل قاتناشیق بیلن باغلی کأبیر ماغلوماتلار آچیق چشمه‌لرده بیان تاپدی.

ترور قورامالاری پ. ک. ک/ پ. ی. د- ی. پ. گ بیلن داعش ینگ آراسینداقی قاتناشیث بیلن باغلی اینگ آنیق میثال: ترور قورامالاری پ. ک. ک/ پ. ی. د- ی. پ. گ نینگ رقه شأهِری نینگ گؤزه‌گچیلینی اله آلیارقا ترور قوراماسی داعش بیلن قازانان ایلالاشیغینا لاییقلیقدا داعش ترورچیلاری نینگ شأهِردن اتوبوسلار بیلن چیقاریلیش پورصادینداقی فتوصوراتلارینگ بۇلماغی.

ترور قوراماسی داعش تاراپیندان ۲۰۱۴-نجی ییلینگ ۱۵-ینجی یانواریندا باسیلیپ آلینان رقه شأهِری آمریکا بیلن حالقارا حیذماتداشلیغینگ یاراغ، قوری یر و هۇوا قۇلداوی نتیجه‌سینده ترور قورامالاری پ. ک. ک/ پ. ی. د- ی. پ. گ تاراپیندان ۲۰۱۷-نجی ییلینگ ۱۷-نجی اکتبریندا آلیندی. رقه آلینیارقا ترور قورامالاری پ. ک. ک/ پ. ی. د- ی. پ. گ بیلن داعش ینگ آراسیندا قازانیلان ایلالاشیغا لاییقلیقدا رقه دأکی داعش ترورچیلاری آمریکانینگ و حالقارا حیذماتداشلیغینگ روغصاتی بیلن اتوبوسلار آرقالی رقه دن چیقاریلیپ مرقده، الثور و دیرالزور شأهِرلرینه گتیریلدی. شۇل ایلالاشیق و ترورچیلارینگ چیقاریلماغی باراداقی حابارلار بی بی سی نینگ حابارچیلاری کوئنتین سامرویل و ریام دلات تاراپیندان طایارلاندی. (۱)

رقه ده ترور قورامالاری پ. ک. ک/ پ. ی. د- ی. پ. گ بیلن داعش ینگ آراسیندا قازانیلان ایلالاشیق آمریکانینگ و حالقارا حیذماتداشلیغینگ یۇلباشچیلاری تاراپیندان هم ایقرار ادیلدی. پنتاگون ینگ مطبوغات گنگه شچیسی اریک پاهون ایلالاشیغینگ دۇلولیغینا آسودا ایلاتی قۇراماق ماقصاتلیدیغینی اؤنگه سۆرۆپ "حیذماتداشلاریمیز بیلن کأته ایلالاشمان بیلریس، اِمما اۇلارینگ اؤز مسئله لرینه چؤزگۆت تاپماغینا حۇرمات قۇییاریس" دییپدی. حالقارا حیذماتداشلیغینگ مطبوغات گنگه شچیسی پالکونیک رایان دیلان هم توییتر آرقالی ایلالاشیغینگ "گیزلین" بۇلماندیغینی بیان ادیپدی. (۲)

۲۰۱۷-نجی ییلینگ ۱۵-نجی نۇیابریندا تۆرکیأ بۇیون اگن و سۇنگ بریتانیانینگ تایمز قازتینه بیانات برن س. د. گ نینگ مطبوغات گنگه شچیسی طلال سیلو، س. د. گ نینگ رقه دن اۇزال شیله ایلالاشیغا منبج ده گلندیگینی بیان ادیپدی. سیلو پ. ی. د/ ی. پ. گ لیلرینگ منبج دن گیدن داعش ترورچیلارینا اؤز گؤزه‌گچیلیگیندأکی یرلردن ارکین گچمه لری اۆچین ۲۰۰ دلاردان باشلایان سیاحات ناماسینی ساتاندیغینی بیان اتدی. (۳)

س. د. گ نی گؤنۆکدیریأن شاهین جیلونینگ آمریکا بیلن ایلالاشاندیغینی و منبج ینگ حالاص ادیلمه‌گیندن اۇزال ۲ مۆنگ داعشلی نینگ یؤریته قۇراغ بیلن شأهِردن چیقماغینا روغصات بریلِندیگینی آیدان سیلو، س. د. گ نینگ و آمریکالیلارینگ داعش لیلرینگ حۇوپسوزلیغینی اۆپجۆن ادیپ، جرابلسا تاراپ گیتمه‌کلرینه یۇل برمه‌کلری نینگ آمریکا بیلن س. د. گ نینگ آراسینداقی ایلکینجی ایلالاشیقدیغینا اۆنسی چکیپدی. بیله کی بیر ایلالاشیغینگ فیرات دریاسی نینگ اوغرونداقی طبقه اترابیندا قازانیلاندیغینی بیان ادن طلال سیلو، شاهین جیلونینگ ترور قورامالاری پ. ی. د/ ی. پ. گ- س.د.گ نینگ آدیندان آمریکالیلار بیلن دوشوشاندان سۇنگ داعش لیلره حۇوپسوز چیقیش روغصادی نینگ بریلندیگینی نیغتادی. (۴) شو واقالارا لاییقلیقدا پ. ی. د/ ی. پ. گ بیلن داعش ینگ آراسیندا اؤزآرا بأحبیت قاتناشیغی نینگ آچیلاندیغینی آیتماق مۆمکین.

طلال سیلو آناتولی حابار سریشده سینه برن بیاناتیندا بۇلسا پ. ک. ک نینگ دیرالزورداقی و حسکه دأکی نبیت یاتاقلارینی دۇلاندیرماغی بیلن باغلی سۇراغا شیله جۇغاپ بردی:

"ی. پ. گ و پ. ک. ک ۲۰۱۲-نجی ییلدا رملیان داقی نبیت قویولارینی آلاندان سۇنگ دۇلاندیرماغا باشلادی. شۇل نبیت ایلکلری داعش ینگ گؤزه‌گچیلیک ادیأن یرلری نینگ اۆستی بیلن داشاری یورتلارا ایبریلیأردی. پ. کو ک ترورچیلاری نینگ جیزره دأکی مالیه ایشلریندن جۇغاپکأری علی شیر قامیشلی دا یاشایار. پ. ک. ک نینگ یۇلباشچیلاری بیلن گؤنۆدن قاتناشیغی بار. نبیت بۇیونچا شرطنامالاری باغلاشماغا ایغتیارلی آدام. قازانیلان گیردجیلری دینگه شۇل بیلیأر. اۇل، پ. ک. ک نینگ سیریدیر. علی شیر ۲۰۱۲-نجی ییلدان بأری نبیتی داشاری ساتیار. اۇزاللار ساتوو دینگه داعش ینگ گؤزه گچیلیگیندأکی یرلرینگ اۆست آشیر ادیلیأردی. حؤکۆمتینگ قشونی نینگ ایشگأری علی قاطیرجی پ. ک. ک دان نبیت آلیان عمومی یۇلباشچی. حتی شاهین جیلونینگ هم اۇنونگ ایشینه قۇشولیپ بیلمه‌جکدیگینی آیتدیلار. نبیت مسئله سی قورامانینگ سیریدی. سۇراپ ادیأپ کأبیر ماغلوماتلارا ایه بۇلدوم. ساتان نبیتینگ پولی لبنان ینگ بانکلاریندا اؤزلرینه یاقین کأبیر آداملارینگ حسابینا گچیریلیأردی. سۇنگ پول اوروپا گچیریلیأردی. آداملارینگ أهلیسی پ. ک. ک ترورچیسی. مسئله اؤرأن اولی. گۆنده یۆزلرچه تانکر نبیت قاتنادیلیاردی. (۵)

ترور قورامالاری پ. ک. ک/ پ. ی. د- ی. پ. گ نینگ سۇنگلار دیرالزور تاراپیندان باسیبالیجیلیقلی ایشلره گیریشمه‌کلری بیلن ترور قوراماسی داعش ینگ کؤپ سانلی استراتژیک یری یکه‌جه اۇق آتمازدان ترور قورامالاری پ. ک. ک/ پ. ی. د- ی. پ. گ-أ برمه‌گی اۆنس چکیجیدیر.

ترور قورامالاری پ. ک. ک/ پ. ی. د- ی. پ. گ نینگ دیرالزور شأهِری نینگ گۆن دۇغارینا قوران هۆجۆمینده، داعش بیلن یانگاداندان ایلالاشدی. قاسیون حابارلار قوللوغی تاراپیندان ماضمونی چاپ ادیلن ایلالاشیق ترور قورامالاری پ. ک. ک/ پ. ی. د- ی. پ. گ بیلن داعش ینگ هۆجۆملرینگ بس ادیلمه‌گی بارادا ایلالاشیق قازانیلاندیغینی یۆزه چیقاردی. قازانیلان ایلالاشیق بیلن بیرلیکده ترور قورامالاری پ. ک. ک/ پ. ی. د- ی. پ. گ؛ داعشه دگیشلی یرلره قورایان هۆجۆملرینی بس ادیپ، داعش ترورچیلاری نینگ بؤلگه دن چکیلیپ سوریأنینگ گۆن دۇغارینا گیتمه‌کلریندن سۇنگ دیرالزور شأهِری نینگ گۆن دۇغار بؤلگه‌سینی باسیپ آلدی.

سوریه ده ترور قورامالاری پ. ک. ک/ پ. ی. د- ی. پ. گ نینگ باسیپ آلیجیلیغینا شرط دؤره‌تمه‌گیندن داشغاری داعش بیلن تۆرکیه دوشمانچیلیغی بۇیونچا هم کؤپ سانلی گپله شیکلر گچیریلیأر. حأضیرکی واغتدا ترور قورامالاری پ. ک. ک/ پ. ی. د- ی. پ. گ نینگ رقه دأکی و دیرالزورداقی توسساغحانا دییلیأن یرلریندأکی کؤپ سانلی داعش ترورچیلارینی تۆرکیأ قارشی حرکت قوراماقلاری شرطی بیلن بۇشادیلیار.

داعش ترور قوراماچیلاری تۆرکیأ قارشی حرکتلره ایشجنگ قاتناشمایان هم بۇلسالار، تۆرکیأنینگ حاربی گۆیچلری نینگ یرله شیأن یرلری بۇلان ادلب و فیرات قالقانی حرکتی نینگ گچیریلن یرلرینه دۆرلی یۇللار بیلن باریپ، تۆرکیه اۆچین حۇوپ عمله گتیریأر. شیله هم شۇل آداملار ترور قوراماسی پ. ک. ک/ پ. ی. د- ی. پ. گ تاراپیندان حالقارا جمغیتچیلیگینده تۆرکیأنی داعش بیلن یاقین یالی ادیپ گؤرکِزمه‌ک اۆچین قارا پروپاگاندا سریشده سی حؤکمۆنده پیدالانیلیار.

ترور قوراماسی پ. ک. ک/ پ. ی. د- ی. پ. گ "زیتین شاحاسی" حرکتی سبأپلی تۆرک یاراغلی گۆیچلرینه و آزات سوریه قشونینا قارشی ساواشماقلاری شرطی بیلن عفرین توسساغحاناسینداقی داعش ترورچیلارینی بۇشاتماغا باشلادی. تأزه چیقان حابارلارا قارالاندا پ. ک. ک/ پ. ی. د- ی. پ. گ نینگ گیدره یری قالمادیق بیله کی داعش لیلردن پیدالانماق اۆچین اۇلارا تأزه بیر دورموش وعده بریأندیگی و کأبیرلرینی فیرات دریاسی نینگ گۆن دۇغاریندان عفرینه گتیریأندیگی گؤرۆلیأر. یوردونا دۇلانمادیق، اِمما ساواشماق و بمبا یاساماق اوقیبی یۇقاری بۇلان داعش لیلره آدلارینی ترور ساناویندان چیقارماغی وعده برندیگی حاقیقاتدیر. (۶) پ. ک. ک/ پ. ی. د- ی. پ. گ نینگ داعش ترورچیلاریندان پیدالانماق اۆچین ادیأن باشلانغیچلاری شۇل ترور قورامالاری نینگ آراسینداقی تاراپدالارینگ بیر تاراپدان بیله کی تاراپا گچمه گی نینگ نأحیللی ینگیلدیگینی گؤرکِزمه‌گی تایدان هم مؤهۆم. شیله بۇلان حالاتیندا داعشه قارشی گؤره‌ش آدی بیلن آمریکانینگ و اوروپا یورتلاری نینگ یانی بیلن کؤپ سانلی دؤولتدن قۇلداو آلیان پ. ک. ک/ پ. ی. د- ی. پ. گ نینگ ایکی یۆزلیلیگینی و بأحبیدینه لاییقلیقدا اینگ اولی دوشمانی بیلن حیذماتداشلیق ادیپ بیلجکدیگینی گؤرکِزیأر.

پ. ک. ک/ پ. ی. د- ی. پ. گ، باسیپ آلان یرلرینده اتنیکی صاپلاییش اتمه‌ک، بؤلگأنینگ دموگرافیک قورلوشینی اؤزگِرتمه‌ک ماقصادی بیلن اساسا ندا عاراپ و تۆرکمن ایلاتینی گؤچمأگه مجبور ادیأر. ترور قوراماسی پ. ک. ک/ پ. ی. د- ی. پ. گ؛ توسساغحانا حؤکمۆنده اولانیان یرلرینده بولماغینی ایسله مه یأن داعش ترورچیلارینی هم گؤچمأگه مجبور ادن ایلاتینگ آراسینا قۇشوپ تۆرکیأ اوغرادیار. شیله ده ترور قوراماسی نینگ داعشه دگیشلیدیگی بیلینیأن تۇپارلاری تۆرکیه- سوریه سرحدیندأکی گیزلین گِچِلگه‌لر (تونللر) آرقالی تۆرکیأ گچیریأر.

بیله کی تاراپدان آمریکانینگ نیشن ژورنالی ۲۰۱۷-نجی ییلینگ ۹-نجی فِورالیندا چاپ ادن حابارناماسیندا پ. ی. د (ی. پ. گ نینگ) سوریأنینگ دمیرقازیغیندا حابری جنایات ادندیگی و اۇنلارچا مۆگ آدامی یوردوندان آیرا دۆشۆرِندیگی بیان ادیلیأر.ی. پ. گ نینگ سوریأنینگ دمیرقازیغیندا گؤزه‌گچیلیک ادیأن یرلرینده اۇنلارچا مۆنگ عاراپ و کۆرت ایلاتی سۆرگۆنه مجبور ادندیگی، حاربی جنایات ادندیگی بارادا نیغتالیان حابارنامادا اۆنسی چکیأن زات بۇلسا،  ی. پ. گ نینگ داعش بیلن چاقنیشمایاندیغی، ترسینه چاقنیشیان تۇپارلارینگ اؤنگۆنی آلیجی یاغدای ایه له یأندیگی بارادا ماغلومات بریلمه‌گی (۷). شۇل تایدان حابارنامانینگ پ. ک. ک/ پ. ی. د- ی. پ. گ نینگ داعش بیلن ادیأن حیذماتداشلیغینی نیغتاماغا سینانشیاندیغینی آیدیپ بیلریس.

1- http://www.bbc.co.uk/news/resources/idt-sh/raqqas_dirty_secret

2- http://www.gazetevatan.com/deas-ve-pkk-arasindaki-kirli-anlasmayla-ilgili-flas-aciklama--1118524-dunya/

^3-http://www.turkiyegazetesi.com.tr/dunya/526742.aspx

^4-https://www.haberler.com/roportaj-sdg-nin-kacan-sozcusu-talal-silo-7-10310295-haberi/

5- http://aa.com.tr/tr/dunya/sdgnin-kacan-sozcusu-silo-abdnin-pyd-pkkya-destegini-aaya-anlatti/988355

6- http://aa.com.tr/tr/turkiye/pyd-pkk-afrin-e-firat-in-dogusundan-da-deas-li-getirdi-/1045590

7- http://punompen.be.mfa.gov.tr/Content/assets/consulate/images/localCache/12/188dcb58-2854-4045-bb93-bad3a72c1118.pdf