مسعود اؤزیل فوتبال بیلن حوُشلاشدی

تۆرکیأنینگ مدیپول باشاق شهیر فوتبال توُپاریندا اوُینایان 34 یاشینداقی تانیمال آلمان- تۆرک فوتبالچی مسعود اؤزیل فوتبال بیلن حوِشلاشاندیغینی بیلدیردی.

سوُنگقی هِپده لرده دۆرلی یاغدایدا یارالاناندیغینی نیغتان فوتبالچی توییتر حاسابیندان، فوتبال دۆنیأسی بیلن حوُشلاشیاندیغینی آیتدی.

مسعود اؤزیل شالکه 04، وردربرمن، رئال مادرید، آرسنال، فنرباغچه و مدیپول باشاق شهیردأکی اوُیونداشلارینا دا مینتدارلیق بیلدیردی.

اؤزیل 159 گِزه ک رئال مادریدینگ کؤینگینی گییپدی و شوُل توُپار بیلن اسپانیانینگ لالیگاسیندا بیرینجی بوُلوپدی.

254 گِزه ک ده آرسنال اۆچین توُپ اوُینان مسعود اؤزیل آرسنال بیلن 4 گِزه ک فدراسیون کاپ دا بیرینجی بوُلوپدی.

آلمانیانینگ میللی فوتبال توُپاریندا 92 گِزه ک اوُیناپ 23 گل اوران مشهور فوتبالچی، 2014-نجی ییلدا برزیلیادا گچیریلن بۆتین دۆنیأ فوتبال یاریشیندا دا آلمانلار بیلن بیله لیکده بیرینجی بوُلوپدی.