غازی آنتپ فوتبال توُپاری سوپرلیگ یاریشلاریندان چکیلدی

تۆرکیأنینگ سوپرلیگ یاریشلاریندا اوُینایان غازی آنتپ فوتبال توُپاری سوپرلیگ و زراعت تۆرکیه کاپی نینگ یاریشلاریندان چکیلندیگینی بیلدیردی.

بو فوتبال توُپاری، یر تیتره مه سی سبأپلی ییتیملر سبأپلی یاریشلارا قاتناشیپ بیلمه‌جکدیگینی حابار بردی.

غازی آنتپ فوتبال توُپاری 22 یاریشدان 25 بال بیلن تۆرکیأنینگ سوپرلیگی نینگ 10-نجی اوُرنونا ایه دی.

دوشنبه گۆنی دانگ بیلن ساغات 04.17-ده قاهرامان ماراش ولایاتیندا 7.7 بال اولولیغیندا یر تیتره مه سی بوُلوپدی.

غازی آنتپ، مالاتیا، حاتای و آدانا یالی 10 ولایاتا ضلل برن بو یر تیتره مه سیندن سوُنگرا 7.6 بال اولولیغیندا یر تیتره مه سی باشدا بوُلماق بیلن یۆزلرچه گِزه ک یر تیتره مه سی بوُلوپدی.

بو یر تیتره مه لرینده اوُن مۆنگلرچه آدام آرادان چیقیپدی.

یر تیتره مه سی نینگ بوُلان ولایاتلاریندا هنیز ده بارلاغ- حالاص ادیش و کؤمِک توُپارلاری اؤز ایشلرینه دوُوام ادیأر.