مدنیت و صونغات دۆنیأسی تۆرکیأ دویغوداشلیق بیلدیریأر
مدنیت و صونغات دۆنیأسینده تانیمال صونغاتچیلار 6-نجی فورال دا قاهرامان ماراش ولایاتیندا بوُلان یر تیتره مه سیندن سوُنگرا تۆرکیأ دویغوداشلیق بیلدیریأر
مدنیت و صونغات دۆنیأسینده تانیمال صونغاتچیلار 6-نجی فورال دا قاهرامان ماراش ولایاتیندا بوُلان یر تیتره مه سیندن سوُنگرا تۆرکیأ دویغوداشلیق بیلدیریأر.
انگلستان ینگ مسلمان آیدیمچیسی یوسف اسلام قرآن کریم ینگ مائده سوریه سی نینگ 32-نجی آیه سی بیلن یر تیتره مه سی بوُلان یرلردأکی بارلاغ حالاص ادیش توپارلارینا مینتدارلیق بیلدیردی.
گرمی بایراقلی آلبان آصیللی انگلستانلی آیدیمچی دعا لیپا دا اینستاگرام دان تۆرکیه و سوریه اۆچین کؤمِک ایبریلمه گینی ایسله دی.
انگلیس رپ صونغاتچیسی و اوُیونچی ریز احمد بی بی سی نینگ حابارینی پایلاشدی و کؤمِک ادیلمه گینی ایسله دی.
انگلستانلی آیدیمچی سامی یوسف دا اینستاگرام حاسابیندان یر تیتره مه سینده ضلل گؤرِنلره کؤمِک ایسله دی.
لبنان آصیللی سوئدلی مسلمان آیدیمچی ماهر زین ده "تۆرکیه دأکی یر تیتره مه سی سبأپلی مۆنگلرچه آدام اؤیلرینه قایدیپ بیلمه یأر و کؤچه لرده قالیار. اوُلارا کؤمِک برینگ. نأمه گره ک بوُلسا ایبرینگ" دییپ یازدی.
ایرانلی موزیسین محسن نامجو دا تۆرکیه هشتگی بیلن تۆرکیأ دویغوداشلیق بیلدیردی.
ایتالیان موزیسین آندریا بوچلی و عایالی ورونیکا برتی بوچلی ده تۆرکیه و سوریه دأکی یر تیتره مه سینده اجیر چکنلره کؤمِک بریلمه گینی ایسله دی.
دِگیشلی حابارلار
یورو یاریشلاری ت. ر. ت ده توُماشا ادیلر
یورو 2024 تورنمنتی آلمانیا و اسکاتلندینگ یاریشی بیلن باشلایار
