قطر ۲۰۲۲: ایران بۆتین دۆنیأ فوتبال یاریشی بیلن حوُشلاشدی

ایران ینگ میللی فوتبال توُپاری، قطرینگ پایتاغتی دوحه دأکی الثمامه استادیومیندا آمریکا بیلن یاریشدی.

ب گروهینداقی یاریشدا ایران بیلن آمریکانینگ چال بوُلماغی دا ایران ینگ میللی فوتبال توُپاری نینگ آدینی سوُنگقی 16 توُپارا یازدیریپ بیلیأردی.

اِمما آمریکالی فوتبالچی کریستین پولیشیچ 38-نجی داقیقادا اوُیونینگ یکه‌جه گلینی اوردی.

45+2-نجی داقیقادا تیموتی وه‌آ، وستون مک کنی نینگ پاسی بیلن توُپی ایران ینگ دروزه سینه اؤتۆرسه ده بو گل، آفساید دییلیپ قابول ادیلمه دی.

42 مۆنگ 127 توُماشاچی بو تاریحی یاریشی یاقیندان ایزارلادی.

90+9-نجی داقیقادا ایران ینگ هۆجۆمچیسی مهدی طارمی ایران اۆچین بیر پنالتی نینگ بریلمه‌گینی ایسله دی اِمما یاریشینگ تۆیدۆکچیسی متئو لاهوز پنالتی بوُلماندیغینی آیتدی.

شیله لیک بیلن آمریکا 3 اوُیوندان 5 بال بیلن ایکینجی بوُلدی و انگلستان دان سوُنگرا ایکینجی توُپار حؤکمۆنده آدینی سوُنگقی 16 توُپارینگ آراسینا یازدیردی.

آمریکا سوُنگراقی اِتاپدا هلند بیلن یاریشار.

بیله کی یاریشدا انگلستان دا 3-0 حاسابی بیلن ولز توُپارینی ینگدی و 7 بال بیلن بیرینجی بوُلدی.

انگلستان سوُنگراقی اِتاپدا سنگال بیلن یاریشار.