مشهور آیدیمچی جماله اوکراینانینگ حالقی نینگ سسی بوُلیار
یورویژن ده بیرینجی بوُلان اوکراینالی تاتار آیدیمچی ایستامبول شهرینه گلدی
یوروویژن 2016 آیدیم یاریشیندا اوکراینانینگ وکیلی بوُلوپ شوُل یاریشدا بیرینجی بوُلان جماله جمالالدینووا اوکراینا حالقی نینگ سسینی اشیتدیرمهک اۆچین تاغاللا ادیأر.
روسیا- اوکراینا ساواشی نینگ باشلاماغی بیلن 2 چاغاسینی آلیپ کیف دن چیقان و ایلکی ترنوپیل شهرینه، شوُل یردن رومانیا اۆستی بیلن تۆرکیأ گلن تاتار آیدیمچی جماله ایستامبول دا اجِکهسی نینگ اؤیۆنه گلدی.
"من اؤیده اِمما یوردوم شو واغت بمبالارینگ آستیندا. یوُلداشیم (آدامیم)، قایین آتام، قارینداشلاریم و بوُیداشلاریمینگ هممه سی اوکراینادا قالدی" دیه ن جماله، "من اؤزۆمی تۆرکیأنینگ بیر پارچاسی یالی گؤریأرین. ایندی اوکراینادا بوُلان یاغدایلار سبأپلی آیدیم آیتماق واغتی دأل، من بۆتین دۆنیأ یوردومینگ سسینی اشیتدیرمهک ایسلهیأرین" دیدی.
کریمه تاتارلاریندان بوُلان جماله جمال الدینووا 2016-نجی ییلدا "1944" آدلی آیدیم بیلن یوروویژن آیدیم ساز بأسلِهشیگینه قاتناشیپدی.
شوُل ییل استکهلم دا گچیریلن 61-نجی یوروویژن یاریشیندا جماله 534 بال بیلن بیرینجی بوُلوپدی.
جماله نینگ 1944 آدینداقی آیدیمی، کریمه تاتارلاری نینگ سۆرۆلمهگی تراژدیسی باراسیندا بیر آیدیم.
دِگیشلی حابارلار
تهران دا تۆرک و ایرانلی کیتاپچیلار دوشوشدی
دابارا تۆرکیأنینگ تهران داقی ایلچیسی دکتر حجابی قیرلانقیچ قاتناشدی