آغرام قالدیرما یاریشیندا تۆرک تۆرگِنلر 18 مدال آلدی

بۆتین دۆنیأ آغرام قالدیرما یاریشیندا تۆرکیأنینگ یاش تۆرگِنلری 18 مدال آلدی.

تۆرک تۆرگِنلر 6 آلتین، 6 کۆمۆش و 6 برنز مدال آلدی.

12 مدال آلان تۆرک قیزلاری 672 بال بیلن 17 ییل آرادان سوُنگرا دۆنیأده بیرینجی بوُلدی.

روسیا و آمریکا ایکینجی و اۆچۆنجی بوُلدی.

جانسو بکتاش 3 آلتین، ملیسا گۆنش 2 کۆمۆش و بیر برنز، جانسل اؤزکان 2 کۆمۆش، دیلارا اوچان 1 آلتین، بیر کۆمۆش و بیر برنز و نوران یالچین بیر برنز مدال آلدی.

اؤزبگیستان ینگ پایتاغتی داشکنت ده گچیریلن بۆتین دۆنیأ یاشلارینگ آغرام قالدیرما یاریشینا تۆرکیه دن 10 ارکک و 11 زنانا تۆرگِن قاتناشدی.

تۆرکیأنینگ یاش ارککلری ده 572 بال بیلن روسیادان سوُنگرا ایکینجی بوُلدی. اؤزبگیستان اۆچۆنجی بوُلدی.

تۆرک ارکک توُپاریندا فرقان اؤزبک 2 آلتین، 1 کۆمۆش، یوسف فهمی گنچ 2 برنز و صمد جوُشغون 1 برنز آلدی.