نینا تۆرکچه اؤوره‌نمه‌ک اۆچین سرحِتلری آشیار
تۆرک دیلینه بوُلان سؤیگی سرحِت تانامایار
تۆرک دیلینه بوُلان سؤیگی سرحِت تانامایار.
کرواسی نینگ متکوویچ شهرینده یاشایان 17 یاشینداقی نینا یرکوویچ تۆرکچه اؤوره‌نمِه‌ک اۆچین هپده ده ایکی گِزه‌ک کرواسی دان بوسنیانینگ موستار شهرینه گیدیأر.
نینا موستارداقی یونس امره انستیتوسی نینگ کورسلارینا قاتناشیار.
لیتسه (دبیرستان) اوُقووچیسی بوُلاننینا شوُل بیر واغتدا، تأزه گؤرنۆشلی کروناویروس (کووید- 19) یوُقانچ کسلی سبأپلی گچیریلیأن صؤحبِت کلوبینا قاتناشیپ تۆرکچه اؤوره‌نمأگه دوُوام ادیأر.
نینا یرکوویچ تۆرک سریاللارینی ایزالاپ تۆرک دیلینی سؤیمأگه باشلاندیغینی و یوُقاری اوُقووینی ایستامبول دا دوُوام اتدیرمه‌ک ایسله یأندیگینی آیدیار.
آتاسی نینگ بیر دوُستونینگ سالغیسی بیلن یونس امره انستیتوسی نینگ کورسلارینا قاتناشاندیغینی آیدان یرکوویچ، انستیتوداقی موغاللیملارینگ اؤزۆنه اؤرأن کؤپ یاردام بریأندیگینی بیلدیردی.
نینا، متکوویچ شهرینده اؤزۆندن باشغا هیچ کیمینگ تۆرکچه بیلمه‌یأندیگینی آیتدی و "گلجک واغتلاردا نأمه ایش اتسه‌م ده، تۆرک دیلی منینگ اۆچین ایترگی بوُلجاقدیر" دیدی.
یرکوویچ تۆرک دأپ دِسسورلارینی دا سؤییأندیگینی آیتدی و شیله دوُوام اتدی:
"تۆرک چای و ایمیتلرینی ده اؤرأن حالایارین. ایلکینجی پورصاتدا ایستامبول دا تۆرک ایمیتلرینی ایمه‌ک ایسله یأرین"
دِگیشلی حابارلار
آنتالیا توریست سانیندا رکورد قوُیوپ بیلر
شو ییل آنتالیا ولایاتینا 17 میلیون سیاحاتچی نینگ گلمه گینه قاراشیلیار
بوکس: صمد گۆمۆش اوروپادا آلتین مدال قازاندی
22 یاشینداقی تۆرک تۆرگِن ایلکینجی گِزه ک اوروپا یاریشلارینا قاتناشیاردی
