اوروپاداقی اینگ قادیمی عثمانلی سندی برلین ده تاپیلدی
بو سند هجری قمری ۸۴۵-نجی ییلا دِگیشلی
اوروپادا اینگ قادیمی عثمانلی سندی برلین ده تاپیلدی.
هجری قمری ۸۴۵-نجی ییلدا (میلادی ۱۴۴۱-نجی ییلدا) یازیلان بو سنده گؤرأ ۲-نجی مراد دؤورۆنینگ وزیری فضل الله پاشا، عثمانلی دؤولتی نینگ بأحبیدی اۆچین ادن تاغاللالاری سبأپلی شو گۆنکی بلغاریستان ینگ سرحدی نینگ ایچیندأکی ساریحان سانجاغی نینگ باتیقۇن اۇباسی باغیشلانیار.
آلمانیانینگ برلین شهرینده بارلاغ گچیرن ایستامبول ینگ مدنیت بیلیم یوردونینگ موغاللیمی دکتر گۆلر دۇغان آوربک بو سندی "برلین دؤولت کیتاپحاناسینداقی تۆرکچه یازغیلار" بارلاغیندا تاپدی.
بو سندینگ اۇقالیپ بیلینجک یاغدایدا بۇلاندیغینی آیدان گۆلر دۇغان آوربرک عثمانلی پاتشاسی نینگ طوغراسی نینگ دا قۇرالاندیغینی آیتدی و بو سندینگ قۇرالماغینی ایسلهدی.
تۆرک عالیم بو اثرینگ تۆرکیأنینگ قۇلداوی بیلن ۶ آیدا تعمیر ادیلجکدیگینی ده سؤزلرینه قۇشدی.
برلین ینگ کیتاپحاناسیندا ۱۳۰۰-دن کؤپ تۆرکچه قۇل یازما اثرینگ باردیغینی آیدان دۇغان آوربرک مدنیت بیلیم یوردونینگ تاغاللاسی بیلن بۆتین سندلرینگ بارلانجاقدیغینی بیلدیردی.
عثمانلی دؤولتی آرشیو و سندلر تایدان دۆنیأنینگ اینگ قۇوی سیستملرینه ایه بۇلان دؤولتلر آراسیندا یر آلیار.
دِگیشلی حابارلار
تۆرکیه ماوی بایداقلی پلاژ سانیندا دۆنیأده اۆچۆنجی یورت
تۆرکیه ده 567 پلاژ، 27 اسکله، 18 توریسم گأمیسی و 9 شخصی گأمی نینگ ماوی بایداغی بار