تۆرکیأ ۱۱ آیدا ۴۳ میلیون توریست گلدی

تۆرکیأ  ۲۰۱۹-نجی ییلینگ ۱۱ آییندا ۴۲ میلیون ۹۱۰ مۆنگ ۴۰۸ داشاری یورتلی سیاحاتچی گلدی.

مدنیت و سیاحاتچیلیق وزیرلیگی نینگ برن یازماچا بیناتیندا، تۆرکیأ نوامبر آییندا ۲ میلیون ۱۹۰ مۆنگ ۶۲۲ داشاری یورتلی سیاحاتچی نینگ گلندیگی بیلدیریلیأر.

بو سان اؤتن ییلینگ نۇیابر آیینا گؤرأ ۱۱.۴۱ گؤتریم اؤسۆش گؤرکِزیأر.

۲۰۱۹-نجی ییلینگ یانوار- نۇیابر آرالیغیندا تۆرکیأ داشاری یورتلاردان ۴۲ میلیون ۹۱۰ مۆنگ ۴۰۸ توریست گلدی.

بو سان ۲۰۱۸-نجی ییلا گؤرأ ۱۴.۳۱ گؤتریم اؤسۆش گؤرکِزدی.

روسیادان گلن سیاحاتچیلارینگ سانی ۱۷.۴۲ گؤتریم اؤسۆش بیلن ۶ میلیون ۸۸۷ مۆنگ ۱۳۶ سانینا یتدی.

آلمانیادان گلن سیاحاتچیلارینگ سانی دا ۱۱.۵۷ گؤتریم یۇقارلاما بیلن ۴ میلیون ۸۳۵ مۆنگ ۶۲۶ سانینا یتدی.

انگلستان دان گلن توریستلارینگ سانی ۱۳.۳۰ گؤتریم اؤسۆش بیلن ۲ میلیون ۵۰۶ مۆنگ ۲۴۶ آداما یتدی.

انگلستان دان سۇنگرا اینگ کؤپ بلغاریستان بیلن ایران دان سیاحاتچی گلدی.

بۆتین دۆنیأ سیاحاتچیلیق قوراماسی نینگ برن ماغلوماتینا گؤرأ تۆرکیه ۲۰۱۹-نجی ییلینگ دکابر آییندا دا دۆنیأده گلیأن سیاحاتچی تایدان ۶-نجی یری ایه‌له‌یأر.

تۆرکیه شۇل قورامانینگ برن ماغلوماتینا گؤرأ سیاحاتچیلیقدان اینگ کؤپ قازانیان ۱۵-نجی یورت.

اوروپادا توریسم پوداغی نینگ گیردجیسی تایدان ۶-نجی بۇلان تۆرکیه، توریستلارینگ سانی تایدان دا ۴-نجی اۇرونی ایه له یأر.