پأکیستان ینگ سیاحاتچیلیق پوداغینی تۆرکلر دۆنیأ تانادار
بۆتین دۆنیأ سیاحاتچیلیق فورومی پأکیستان دا گچیرلر
پأکیستان ینگ توریسم پوداغینداقی پتانسیلی تۆرکلر تاراپیندان دۆنیأ تانادیلار.
بۆتین دۆنیأ توریسم فورومی نینگ باشلیغی بولوت باغجی برن بیاناتیندا پأکیستان ینگ باش وزیری عمران خان ینگ، یۇلباشچیلیغینداقی تۇپاری قابول ادندیگینی یاتلادیپ دوشوشیقدا پأکیستان ینگ سیاحاتچیلیق مۆمکینچیلیگی باراسیندا گنگهشندیکلرینی آیتدی.
باغجی،
"پأکیستان ینگ باش وزیری عمران خان بیلن دوشوشیغیمیزدا ۲۰۲۰ بۆتین دۆنیأ فورومی نینگ پأکیستان دا گچیریلمه گی باراسیندا ایلالاشدیق" دیدی.
فورومینگ ۲۰۲۰-نجی ییلینگ فورال آیی نینگ ۲۴-۲۸-نجی گۆنلرینده گچیریلجکدیگینی آیدان بولوت باغجی بو فوروما ۱۰۰۰ آدامینگ قاتناشجاقدیغینی و قاتناشیجیلارینگ آراسیندا انگلستان ینگ اۇزالقی باش وزیری ترزا می یالی مؤهۆم آداملارینگ دا بۇلجاقدیغینی بیلدیردی.
باغچی بو فوروم بیلن پأکیستان ینگ توریسم پوداغینی بۆتین دۆنیأ تاناتجاقدیقلارینی آیتدی و پأکیستان ینگ سیاحاتچیلیق پوداغیندان گیردجیسی نینگ ۵ ییلدا ۸ میلیارد دلاردان ۳۰ میلیارد دلارا یتیرمه گی ماقصات ادینیأندیکلرینی نیغتادی.
باغچی پأکیستانا گلیأن داشاری یورتلی سیاحاتچیلارینگ سانی نینگ دا ۲.۵ میلیون آدامدان ۱۵-۲۰ میلیون آداما یتیرمه ک ایسله یأندیکلرینی سؤزلرینه قۇشدی.
تۆرکیه بیلن پأکیستان ینگ آراسینداقی سؤودا موقداری و سیاحاتچی سانینی دا یۇقارلاتماق ایسله یأندیکلرینا اۆنس چکن بولوت باغجی،
"بو فوروم اۆستی بیلن ۵ ییلدا ۵ میلیارد دلار سؤودا موقدارینا یتمهک ایسله یأریس" دیدی.
دِگیشلی حابارلار
تۆرکمنیستان دا ملا نصرالدین حاقیندا فیلم دۆشۆریلر
بو فیلم آذربایجان، تۆرکیه، اؤزبگیستان، قازاغیستان و تۆرکمنیستان دا چکیلر
ت. ر. ت نینگ 60-نجی ییلی میناسیبتلی سایت آچیلدی
ت. ر. ت نینگ قورلوشیغی نینگ ییلبلیینا باغیشلانان trt60yasinda.com سایتی آچیلدی