داشاری یورتلی طالیپلارینگ قوتاردیش داباراسی گچیریلدی
اۆستۆنلیک قازانان طالیپلار دیپلمینی (مدرکینی) تۆرکیأنینگ جمهورباشلیغی نینگ الیندن آلدی
حالقارا اۇقووچیلارینگ قوتاردیش داباراسی نینگ ۸-نجیسی آنکارادا گچیریلدی.
داشاری یورتلی تۆرکلر و قارینداش جمغیتلر اداراسی (YTB) نینگ بورسی بیلن تۆرکیه ده بیلیم یورتلاریندا اۇقایان طالیپلار اؤز مدرکلرینی آلدی.
دابارا قاتناشان تۆرکیأنینگ جمهورباشلیغی رجب طیب أردۇغان دا حالقارا اۇقووچیلار بیلن بیله لیکده بۇلدی.
۱۵۰۰ داشاری یورتلی طالیپ بو دابارا قاتناشدی.
دابارادا چیقیش ادن مدنیت و سیاحاتچیلیق وزیری محمت نوری أرسوی طالیپلارا "سیز مودنان بیلأک دۆنیأ بأشدِن اولیدیر سؤزی نینگ دۇغری وکیلیدیرسینگیز" دیدی.
YTB اداراسی نینگ باشلیغی عبدالله ارن ده تۆرکیأنینگ بورسلاری نینگ أهمیتینه اۆنس چکدی.
تۆرکیه دن اۇقووینی قوتارانلارینگ جۇغاپکأرچیلیکلری نینگ باردیغینی آیدان ارن،
"تۆرکیأنینگ تۆرکیه دن اولی بۇلاندیغینی، تۆرکیأنینگ دۆنیأ اومیت بۇلیاندیغینی گؤریأریس ان شاءالله سیز یورتلارینگیزدا کؤنگۆللی بیر ایلچی حؤکمۆنده بۇلوپ بو ماقصادا دۇوام اتدیررسینگیز و بیز ده بو آماناتی سیزینگ بیلن بیله لیکده گلجککی نسله گچیرمأگه دۇوام ادریس" دیدی.
اۆستۆنلیک قازانان طالیپلار دیپلمینی (مدرکینی) تۆرکیأنینگ جمهورباشلیغی نینگ الیندن آلدی.
دِگیشلی حابارلار
هریتیج ایستامبول حالقارا کنفرانسی مای آییندا گچیرلر
حالقارا قوُراغ، دیکهدیلیش، آرکئولوژی و موزه چیلیک تکنولوژیلری سرگیسی و کنفرانسی ایستامبول دا گچیرلر