تۆرکیأ ۱۰ آیدا گلن سیاحاتچیلارینگ سانی ۴۱ میلیوندان گچدی

تۆرکیأ ۲۰۱۸-نجی ییلینگ ایلکینجی ۱۰ آییندا ۴۱ میلیون‌دان کؤپ سیاحاتچی گلدی.

مدنیت و سیاحاتچیلیق وزیرلیگی شو ییل ۴۰ میلیون توریست ینگ گلمه گینه قاراشیاردی.

شو ییلینگ ۱۰ آییندا گچن ییلا گؤرأ گلن توریستلارینگ سانی ۲۲.۴۳ گؤتریم یۇقارلادی و ۳۵ میلیون ۵۷۱ مۆنگ ۴۱۹ داشاری یورتلی سیاحاتچی سانینا یتدی.

شو ییل ۵ میلیون ۲۱۷ مۆنگ ۱۹۳ تۆرک رایاتی دا سیاحاتچیلیغا چیقدی.

شیله لیک بیلن شو ییلینگ ۱۰ آییندا سیاحاتچیلارینگ سانی ۴۱ میلیوندان گچدی.

تۆرکیأ اینگ کؤپ توریست روسیادان گلدی. روسیادان گلن سیاحاتچیلارینگ سانی شو ییل ۱۶.۰۹ گؤتریم یۇقارلادی.

آلمانیادان گلن توریستلارینگ سانی دا شو ییل ۱۱.۶۸ گؤتریم یۇقارلادی.

انگلستان دان گلن سیاحاتچیلارینگ سانی ۶.۰۷ گؤتریم یۇقارلادی.

شو یورتلاری بلغاریستان و گۆرجیستان ایزارلادی.

روسیادان شو ییلینگ ۱۰ آییندا ۵ میلیون ۷۲۴ مۆنگ ۶۷۲ توریست گلدی.

آلمانیادان گلیأن سیاحاتچیلارینگ سانی ۴ میلیون ۱۵۵ مۆنگ ۶۴۶.

انگلستان دان دا ۲ میلیون ۱۵۸ مۆنگ ۳۰۴ سیاحاتچی گلدی.

تۆرکیأ اکتبر آییندا گلیأن سیاحاتچیلارینگ سانی ۲۵.۴۸ گؤتریم یۇقارلاپ ۳ میلیون ۷۵۵ مۆنگ ۴۶۷ سانینا یتدی.