ایستامبول ۹ میلیون توریستا یر ایه چیلیگینی اتدی

ایستامبول ۱۰ آیدا ۹ میلیون ۱۲۰ مۆنگ ۲۴۸ داشاری یورتلی سیاحاتچا یر ایه چیلیگینی اتدی.

اؤتن ییل ۱۰ آیدا ۷ میلیون ۸۶۶ مۆنگ ۴۳۳ سیاحاتچی ایستامبولا گلیپدی.

شو ییل ۱۰ آیدا ایستامبولا گلن سیاحاتچیلارینگ سانی ۱۶ گؤتریم یۇقارلادی.

ایستامبولا دینگه اکتیابر آییندا ۱ میلیون ۱۲۲ مۆنگ ۲۶۶ داشاری یورتلی سیاحاتچی گلدی.

بو سان اؤتن ییلینگ اکتیابر آیینا گؤرأ ۴۲ گؤتریم یۇقارلادی.

ایستامبول اؤتن ییلینگ اکتیابر آییندا ۷۹۰ مۆنگ ۹۵۱ سیاحاتچا یر ایه چیلیگینی ادیپدی.

۱۰ آیدا اینگ کؤپ سیاحاتچی ایبرن یورت آلمانیا بۇلدی.

ایستامبولا دینگه آلمانیادان ۸۶۲ مۆنگ ۴۵۳ توریست گلدی.

۷۳۴ مۆنگ ۷۳۹ ایرانلی سیاحاتچی دا ایستامبول دا گزدی.

آلمانیا و ایران دان سۇنگرا سعودی عربیستان ۵۰۵ مۆنگ ۴۸۷ سیاحاتچی بیلن اۆچۆنجی یرده دوریار.

عیراق دان دا ۴۵۴ مۆنگ ۸۷۲ سیاحاتچی ایستامبولی گؤردی.

عیراق دان سۇنگرا روسیا ۴۰۷ مۆنگ ۷۷۱ سیاحاتچی بیلن ۵-نجی یرده دوریار.

۱۰ آیدا انگلستان دان ۳۲۵ مۆنگ ۱۲۲ سیاحاتچی، فرانسیادان ۳۱۷ مۆنگ ۴۱۶ سیاحاتچی و آمریکادان ۲۴۸ مۆنگ ۲۷۴ سیاحاتچی گلدی.

حیتای دان دا ۱۰ آیدا ۱۷۳ مۆنگ ۳ سیاحاتچی گلدی.

حیتایلی سیاحاتچیلارینگ سانی ۳۵.۳ گؤتریم یۇقارلادی.

عاراپ یورتلاریندان دا اؤتن ییل ۱۰ آیدا ۱ میلیون ۶۷۸ مۆنگ ۹۰۹ سیاحاتچی گلیپدی.

شول موقدار شو ییل ۲ میلیون ۲۷۰ مۆنگ ۷۳۱ سیاحاتچا یتدی.