۲-نجی عبدالحمیدحان فتوصورات سرگیسی آچیلدی

ایستامبول ینگ دارالعجزه دییلن یرینده "دۇغلان ۱۷۴-نجی ییللیغیندا سلطان ایکینجی عبدالحمید حان و دؤوری" آدلی فتوصورات سرگیسی آچیلدی.

تۆرکیأنینگ بیک میللت مجلیسی نینگ میللی کؤشکلر بؤلۆمی تاراپیندان قورالان سرگیده عثمانلی دؤولتی نینگ ۳۴-نجی پاتشاسی سلطان ۲-نجی عبدالحمید دؤوری نینگ بیلینیأن و بیلینمه‌یأن واقالاری فتوصورات گؤرنۆشینده گؤرکِزیلیأر.

تۆرکیأنینگ بیک میللت مجلیسی نینگ موزه و تانادیلیش بؤلۆمی نینگ باشلیغی نینگ اۇرونباساری فخرالدین گۆن، آچیلیش داباراسیندا ادن چیقیشیندا موزه دأکی عالیملار بیلن بارلاغ گچیرندیکلرینی، اؤنگۆمیزدأکی دؤوۆرده ییلدیز شاله کؤشگۆنینگ ۱-نجی مرتبه سی نینگ عبدالحمیدحان موزه سی حؤکمۆنده اولانیلجاقدیغینی آیتدی.

عبدالحمیدحان حاقیندا بیانات برن گۆن:

"عبدالحمیدحان سۇنگقی دؤوۆرده هم سریاللاردا هم ده بارلاغلاردا گۆن ترتیبینه گلیأر. عبدالحمیدحان و بیله کی تاریحی شخصیتلریمیزی قۇوی تاناساق، بو کلجگیمیزه ایشیق توتجاق پروژکتور یالی بۇلار" دیدی.

دارالعجزه نینگ باشلیغی حمزه چلبی ده تاریحدان ساپاق چیقاریلمالیدیغینی آیتدی و

"شو گۆنیمیزی گؤرۆپ بیلمه‌گیمیز اۆچین عبدالحمیدحان دؤورۆنی بیلمه‌گیمیز گِرِکلیدیر" دیدی.

بو سرگی ۳۰-جی مارت آیینا چنلی اؤز ایشینه دۇوام ادر.