لیندسی لوهان ینه سوریه‌لی بۇسغون ماشغالالار بیلن دوشوشدی

هالیوودینگ مشهور اۇیونچیلاریندان لیندسی لوهان ایستامبول ینگ سلطان بیلی محله سیندأکی سوریه لی بۇسغون ماشغالا بیلن ینه بیر گِزِک دوشوشدی.

گچن هپده شۇل ماشغالا بیلن دوشوشان و ینه گلجکدیگینی آیدان لوهان سؤزۆنده دوردی.

ماشغالانینگ قاقاسی محمد حسین بیلن و چاغالار بیلن گۆررۆنگ ادن لیندسی لوهان چاغالاری قوجاقلاپ اۇغشادی.

هالیوودلی ییلدیز چاغالارا سۇوغاتلار بردی.

ماشغالانینگ یاشاییشیندا چکن قینچیلیقلاری اؤرأن منی قیناندیردی دیه ن لوهان ینه بیر گِزِک ماشغالانینگ یانینا گلندیگینی بیلدیردی.

لیندسی لوهان تۆرکیأ قارشی "حۇوپسوز دأل، گلمأنگ" دییپ آیدیانلارینگ یالان آیدیاندیغینی بیلدیریپ "من اؤرأن راحات. بو یرده بیزه قوجاق آچیارلار. بو یرده مدنیت، عشق و سؤیگی بار. هممه زات تۆرکیه ده دیر" دیدی.