ژاپن دا گۆیچلی یر تیتره مه سینده ۳۰ آدام اؤلدی

ژاپن ینگ گۆن باتاریندا ایشکاوا ایالتینده و نوتو یاریم آداسی نینگ یاقاسیندا بوُلان یر تیتره مه سینده 30 آدام اؤلدی.

ژاپن ینگ JMA قوراماسی نینگ برن ماغلوماتینا گؤرأ دۆین ایشیکاوانینگ نوتو یاریم آداسیندا و دنگیزده 5 بیلن 7 بال اولولیغیندا کؤپ سانلی یر تیتره مه سی بوُلدی.

یر تیتره مه سینده کؤپ سانلی یوُل چؤکدی.

200-ِه قوُلای یر ده ضلل گؤردی.

دؤولت تلویزیونی ان اچ کی نینگ برن حابارینا گؤرأ واجیما دا 7 مرتبه لی بیر اؤی یان یاتدی.

ایشکاوانینگ ایالت حأکیمی بو ایالتده 30 آدامینگ اؤلِندیگینی آیتدی.

ایالتده 50 مۆنگه قوُلای آدام اؤیلردن چیقدی و 14 آدام حالاص ادیلمأگه قاراشیار.

کؤپ سانلی یرده ده الکتریک توُغی گیتدی.

ژاپن ینگ باش وزیری کیشیدا فومیو نوتو یاریم آداسی نینگ دمیرقازیغینا یتیپ بیلمه گینگ اؤرأن قین بوُلاندیغینی بیلدیردی.