روس قشونی عسگر سانینی ۱.۵ میلیون سانینا یتیرمِه‌ک‌چی

روسیانینگ قوُرانماق وزیری سرگی شوُیگو روسیانینگ قشونی نینگ داشاردان گلن تهدیت و حوُوپلارا قارشی عسگر سانینی 1 میلیون 500 مۆنگ سانینا یتیرجکدیگینی آیتدی.

مسکودا روسیانینگ جمهورباشلیغی ولادیمیر پوتین، قوُرانماق وزیری سرگی شویگو و بیله کی قشون یوُلباشچیلاری نینگ ماصلاحاتی گچیریلدی.

شویگو بو ماصلاحاتدا ادن چیقیشیندا "یؤریته عسگری حرکته باشلاماقدان اوُزال لوهانسک و دونتسک حالق جمهوریتلری نینگ توُپراقلاریندان 5 مرتبه اولیسی روسیانینگ عسگرلری تاراپیندان آزات ادیلدی. رفراندوم بیلن بیله لیکده روسیا فدراسیونینا 83 مۆنگ اینه دؤردۆل کیلومترلیک 5 میلیون یاشاییجا ایه 4 بؤلگه قوُشولدی" دیدی.

روسیانینگ قوُرانماق وزیری "اوکراینانینگ اؤلِن و یارالانان عسگری نینگ سانی 383 مۆنگ‌دن گچدی. اوکراینانینگ 14 مۆنگ تانک و اولاغ، 553 اوچار، 259 دیک اوچاری اورولدی. 1427 لهستانلی، 466 آمریکالی، 344 انگلستانلی باشدا بوُلماق بیلن 5 مۆنگ 800 تؤلِه‌گلی عسگر اؤلدۆریلدی" دیدی.