گوترش ایسرائیل دؤولتینی بۆتین یاشاییش جایلاری باراداقی قارارلارینی یاتیرماغا چاغیردی

بیرلشن میللتلر قوراماسی نینگ باشلیغی آنتونیو گوترش ایسرائیل ینگ تأزه یهودی یاشاییش جایلارینی دیکه‌تمه‌ک باراداقی قارارینا اولی قینانچ بیلدیردی و ایسرائیل ینگ اینگ قیسغا واغتدا بو قاراری یاتیرماغینی ایسله دی.

ایسرائیل، اشغال آستینداقی فلسطین ینگ گۆن باتار باند بؤلگه سینده 4 مۆنگدن کؤپ یاشاییش یرینی قورماق ایسله یأر.

بو یاشاییش یرلری نینگ قورولماغی نینگ حالقارا حقوغی آچ-آچان باسغیلایاندیغینی آیدان گوترش، ایسرائیل ینگ بو سیاساتی نینگ ایکی دؤولتلی، عادالاتلی و همیشه لیک پاراحاتچیلیغا پأسگِل بریأندیگینه اۆنس چکدی.

آنتونیو گوترش ایسرائیل ینگ فلسطینی اشغال اتمه گی چونگلاشدیریاندیغینی سؤزلرینه قوُشدی و تل آویو رژیمی نینگ فلسطین ینگ حالقی نینگ طبیغی سریشده لرینی باسیپ آلیاندیغینی بیلدیردی.

ایسرائیل ینگ اشغال ادن یرلریندن گۆن باتار بانددا و گۆن دوُغار قدس دا 700 مۆنگ یهودی یاشایار.

حالقارا حقوق و قانونلارا گؤرأ گۆن باتار باند و گۆن دوُغار قدس فلسطین ینگ توُپراغی و یهودی یاشاییش یرلری نینگ شوُل یرده قورولماغی قاداغان ادیلمه‌لی.