عمران خان 8 گۆن گؤز توسساغلیغیندا بوُلار

پأکیستان ینگ قاضیه تی، مادی جزالار بیلن باغلانشیقلی قاضیه‌ت ایشینه دوُوام ادیلیأن پأکیستان ینگ اوُزالقی باش وزیری عمران خان ینگ 8 گۆن پلیس ینگ کنترلی آستیندا توسساغدا قالجاقدیغینی بیلدیردی.

داون قازتی نینگ حابارینا گؤرأ حوُوپسوزلیق سبأپلی بیر گِزه‌کلیگینه قاضیه‌ت حاساپلانان اسلام آبادینگ پلیس مرکزی نینگ میهمان‌حاناسیندا قاضیه‌ته چیقاریلدی.

قاضیه ت، پأکیستان ینگ عادالات حرکتی حزبی نینگ یوُلباشچیسی عمران خان ینگ 8 گۆن پلیسینگ کنترلیندا قالماغینی تاصصیقلادی.

قاضیه ت عمران خان-ی باش وزیرلیک واغتیندا داشاری یورت یوُلباشچیلاری تاراپیندان بریلن سوُوغاتلاری ساتماق بیلن متهم اتدی.

پأکیستان عادالات حرکتی نینگ عمومی یازمانی اسد عمر ده موندان اوُزال توسساغ ادیلیپدی.

پأکیستان ینگ اوُزالقی داشاری ایشلر وزیری و حزبینگ باشلیغی نینگ اوُرونباساری شاه محمد قریشی ده شو گۆن توسساغ ادیلدی.

عمران خان ینگ توسساغ ایلمه گیندن سوُنگرا پکیستان ینگ دۆرلی شهرینده کؤچه لره چیقدی.

بوُلان دارتغینلیقلاردا دۆین دن بأری 5 آدام اؤلدی، 40-دان کؤپ آدام یارالاندی.

خیبرپختونخوا، بلوچیستان و پنجاپ ایالتلرینده قشون دارتغینلیغی دوروزماق اۆچین برک چأره لر گؤریأر.

شو واغتا چنلی پنجاپ دا 945-دن کؤپ آدام توسساغ ادیلدی، 130 پلیس یارالاندی و پلیسلارینگ 25 ماشینی یاقیلدی، 14 ادارا دا هۆجۆم ادیلدی.

دۆین دن بأری پأکیستان دا توسساغ ادیلنلرینگ سانی 1200 آدامدان گچدی.