زلنسکی: اۆچ یاشاییش یری روس قشونیندان ایزینا آلیندی

اوکراینانینگ یوُلباشچیسی ولودیمیر زلنسکی 3 یاشاییش یری نینگ روس گۆیچلریندن ایزینا آلیناندیغینی آیتدی.

2014-نجی ییلدا روسیا تاراپیندان قانونسیز یاغدایدا باسیپ آلینان کریمه یاریم آداسینا اۆنس چکن ولودیمیر زلنسکی

"کریم، اوکراینا بایداغی نینگ و ارکین یاشاییشینگ یانگاداندان ایزینا قایتاریلجاقدیغینا اینانیارین. بۆتین توُپراقلاریمیزی و حالقیمیزی ارکینلیگینه قوُوشوراریس. اوکراینانینگ قشونی، گیزلین حابار آلما ادارالاریمیز و یؤریته قورلوشیقلاریمیز مونونگ اۆچین ایش آلیپ باریار. بو أدیملری گؤرۆپ بیلرسینگیز. باسیپ آلیجیلار ایندی کریمه دن قاچماغا باشلادی. بو اوُلارینگ ادن دوُغری ایشی" دیدی.

زلنسکی اوکراینانینگ اۆچ یاشاییش یرینی روسلاردان ایزینا آلاندیغینی آیتدی و بولارینگ ایکیسی نینگ اوکراینانینگ گۆن اوُرتاسیندا، بیری نینگ اوکراینانینگ گۆن دوُغاریندا بوُلاندیغینی بیلدیردی.

اوکراینانینگ خرسون شهریندأکی ویسوکوپیلیا اوُباسی و دونتسک ینگ اوُزرنه اوُباسی نینگ روسلاردان ایزینا آلیناندیغی حابار بریلیأر.

اوکراینانینگ قشونی 29-نجی آگوست دا یوردونگ گۆن اوُرتاسینداقی خرسون بؤلگه سینده روس گۆیچلرینه قارشی هۆجۆم باشلاداندیقلارینی حابار بریپدی.

روس قشونی 24-نجی فورال دا اوکراینا هۆجۆم اتمأگه باشلاپدی.